កំពត៖រថយន្តធំនិងតូចចំនួន៣គ្រឿងបានបុកបន្តគ្នានៅលើផ្លូវជាតិលេខ៣បណ្តាលឱ្យមានអ្នករងរបួសធ្ងន់៦នាក់និងស្រាល២នាក់ក្នុងភូមិថ្មីឃុំថ្មីស្រុកទឹកឈូខេត្តកំពតកាលពីរសៀលថ្ងៃទី១១ ខែមិថុនា ឆ្នាំ២០២១ ។
មន្ត្រីនគរបាលបានឱ្យដឹងថា៖គ្រោះថ្នាក់ចរាចរណ៍បានកើតឡើងនៅលើផ្លូវជាតិលេខ៣ រវាងរថយន្ត៣គ្រឿងបុកគ្នាជាបន្តបន្ទាប់។១,រថយន្តម៉ាកលុចស៊ីស៥៧០ពាក់ផ្លាកលេខភ្នំពេញ 2B -3456 ម្ចាស់ឈ្មោះលឹម ស៊ីឌឿនភេទប្រុសអាយុ៤២ឆ្នាំរស់នៅខេត្តតាកែវ។បុរស៣នាក់ក្នុងរថយន្តនេះជាជនជាតិចិនរបួសធ្ងន់២នាក់និងស្រាលម្នាក់ ។
មន្ត្រីដដែលបានបន្តថា៖២,រថយន្តម៉ាកដេវូពាក់ផ្លាកលេខកណ្ដាល 2A-2578 កន្ទុយរ៉ឺម៉ក ពាក់ផ្លាកលេខកំពង់ស្ពឺ4A-0425 បើកបរដោយឈ្មោះ ជុំ គង់ ភេទប្រុស អាយុ ៣៤ឆ្នាំរស់ នៅខេត្តកណ្ដាលរងរបួសធ្ងន់និងរថយន្តម៉ាកហ្វ៊ុយហ្សូពាក់ផ្លាកលេខព្រះសីហនុ3A -1314 បើកបរដោយឈ្មោះ ម៉ាងសារ័ត្ថភេទប្រុសអាយុ២១ឆ្នាំរស់នៅខេត្តកំពតរបួសធ្ងន់។
សមត្ថកិច្ចបានបញ្ជាក់ថា៖រថយន្តទាំង៣គ្រឿងបាន យកទៅរក្សាទុកនៅប៉ុស្តិ៍នគរបាលរដ្ឋបាលឃុំថ្មីដើម្បីដោះស្រាយពេលក្រោយ៕
