ព្រះវិហារ៖កម្លាំងនគរបាលខេត្តព្រះវិហារបានចុះបង្ក្រាបកន្លែងលួចបើកល្បែងស៊ីសងជល់មាន់មួយកន្លែង។នៅចំណុចចម្ការស្វាយស្ថិតនៅក្នុងភូមិសាស្ត្រភូមិចំបក់សែនជ័យឃុំស្រអែមស្រុកជាំក្សាន្ត ខេត្តព្រះវិហារកាលពីថ្ងៃទី៩ខែកក្កដាឆ្នាំ២០២០។
លោកឧត្តមសេនីយ៍ត្រីកែវចំរើនស្នងការរងទទួលផែនការងារនគរបាលព្រហ្មទណ្ឌខេត្តបានឱ្យដឹងថា ការបង្ក្រាបកន្លែងលួចបើកល្បែងស៊ីសងជល់មាន់មួយកន្លែងនេះដោយមានការបញ្ជាផ្ទាល់ពីលោកឧត្តមសេនីយ៍ទោសួសសុខដារ៉ាស្នងការនគរបាលខេត្តព្រះវិហារ។ក្នុងនោះមានការសម្របសម្រួលពីលោកទីសុវិនថាល់ព្រះរាជអាជ្ញាអមសាលាដំបូងខេត្តព្រះវិហារ ។
លោកឧត្តមសេនីយ៍ត្រីបន្តថាភ្លាមៗនោះលោកបានដឹកនាំកម្លាងជំនាញចុះទៅដល់ទីតាំងដោយមុខសញ្ញាបានរត់គេចខ្លួនអស់ហើយកម្លាំងបានដកហូតសម្ភារនិងវត្ថុតាងមួយចំនួនរួមមាន៖មាន់ជល់ចំនួន៦ក្បាល,ឡាន១០គ្រឿង,ម៉ូតូ១៣គ្រឿងនិងសម្ភារបម្រើល្បែងស៊ីសងមួយចំនួនទៀត។បច្ចុប្បន្នសមត្ថកិច្ចជំនាញកំពុងរៀបចំសំណុំរឿងតាមនីតិវិធីច្បាប់៕
