បន្ទាយមានជ័យ៖អង្គការសុខភាពពិភពលោក (WHO)និងក្រសួងសុខាភិបាល(MOH )ទទួលស្គាល់ហើយកោតសរសើរស្នាដៃរបស់អាជ្ញាធរនិងគណៈកម្មាធិការខេត្តខេត្តបន្ទាយមានជ័យ ក្នុងវិធានការទប់ស្កាត់ការរីករាលដាលកន្លងមកនេះ ។
លោកស្រីឱវ៉ាន់ឌីនរដ្ឋលេខាធិការក្រសួងសុខាភិបាលកម្ពុជាហើយក៏ជាអ្នកនាំពាក្យឆ្នើមនៃក្រសួងនេះនិង លោកលី អាយឡាន (HE Li Ailan )តំណាងអង្គការសុខភាពពិភពលោក(WHO) ប្រចាំ នៅ កម្ពុជាថ្លែងសាទរសរសើរដូច្នេះកាលពីព្រឹកថ្ងៃទី៧កក្កដា២០២០ខណៈបានអញ្ជើញបំពេញការងារនៅគោលដៅជាច្រើនក្នុងខេត្តបន្ទាយមានជ័យ រួមទាំងនៅច្រកព្រំដែនអូរបីជាន់ ។
លោកស្រីទាំងពីរថ្លែងថា ៖ លោកអភិបាលខេត្តនិងមន្ត្រីក្រុមការងារខាងលើរបស់លោកពិតជាបាន រៀបចំឱ្យមានយន្តការការងារទទួលខុសត្រូវ ត្រួតពិនិត្យច្បាស់លាស់ ចំពោះប្រជាពលរដ្ឋក្នុងខេត្ត និងប្រជាពលរដ្ឋទូរទៅត្រឡប់មកពីប្រទេសថៃតាមច្រកតែមួយគត់។ដែលអនុញ្ញាតឱ្យប្រជាពលរដ្ឋចូលមកកាន់ប្រទេសកម្ពុជាវិញដើម្បីត្រួតពិនិត្យសុខភាពច្បាស់លាស់មុននឹងអនុញ្ញាតឱ្យបន្តត្រឡប់ទៅដល់ភូមិឋាន ។
លោកស្រីបន្តថាការខិតខំប្រឹងប្រែងសព្វបែបយ៉ាងរបស់អាជ្ញាធរដែនដីគ្រប់លំដាប់ថ្នាក់ចូលរួមទាំងអស់គ្នាដើម្បីទប់ស្កាត់បង្ការនិងប្រយុទ្ធនឹងការរីករាលដាលនៃជំងឺកូវីដ១៩នៅកម្ពុជាប្រកបដោយជោគជ័យក្រោមការដឹកនាំប្រកបដោយគតិបណ្ឌិតឈ្លាសវៃគ្រប់ជ្រុងជ្រោយរបស់ សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា ដើម្បីសុខភាពរបស់ប្រជាពលរដ្ឋកម្ពុជាយើង៕
