បន្ទាយមានជ័យ៖បុរសម្នាក់បើកម៉ូតូទៅបុកគោយន្តកន្ត្រៃបណ្តាលឱ្យបាក់ភ្លៅរងរបួសធ្ងន់។ក្នុងគ្រោះថ្នាក់ចរាចរណ៍នេះបានកើតឡើងនៅលើផ្លូវ២៦៨Aត្រង់ចំណុចភូមិប៉ោយស្នួល ឃុំប៉ោយចារ ស្រុកភ្នំស្រុក ខេត្តបន្ទាយមានជ័យកាលពីថ្ងៃទី៦ខែកក្កដាឆ្នាំ២០២០។
មន្ត្រីនគរបាលស្រុកភ្នំស្រុកបានឱ្យដឹងថាគោយន្តកន្ត្រៃអ្នកបើកឈ្មោះហ៊ានភឿយភេទប្រុសអាយុ៥២ឆ្នាំមានទីលំនៅនៅភូមិប៉ោយចារឃុំប៉ោយចារស្រុកភ្នំស្រុខេត្តបន្ទាយមានជ័យ។ម៉ូតូម៉ាកMSXពណ៌ត្រួយចេកស្លាកលេខសៀមរាប១AB.1396អ្នកបើកឈ្មោះសេងសុនភេទប្រុសអាយុ២១ឆ្នាំរស់ភូមិប៉ោយស្នួលឃុំប៉ោយចារស្រុកភ្នំស្រុកខេត្តបន្ទាយមានជ័យ។
បើកក្នុងល្បឿនលឿនដោយសារបើកមិនប្រកាន់ស្តាំក៏ទៅបុកគោយន្តកន្ត្រៃបណ្តាលឱ្យអ្នកបើកម៉ូតូបាក់ភ្លៅខាងស្ដាំ។សាច់ញ្ញាតិដឹកយកទៅសង្គ្រោះនៅមន្ទីរពេទ្យនៅស្រុកភ្នំស្រុក។វត្ថុតាងម៉ូតូនិងគោយន្តកន្ត្រៃត្រូវបានយកមករក្សាទុកនៅប៉ុសិ៍នគរបាលរដ្ឋបាល ឃុំប៉ោយចារ៕