កំពង់ស្ពឺ៖ទុស្សេខ្សែភ្លើងបង្កជាអគ្គិភ័យបណ្តាលឱ្យឆេះនិងមនុស្សម្នាក់ស្លាប់ហេតុការណ៍នេះបង្កឱ្យមានការភ្ញាក់ផ្អើលកាលពីរសៀលថ្ងៃទី៥កក្កដាឆ្នាំ២០២០ត្រង់ចំណុចភូមិភ្នំដីសង្កាត់ច្បារមនក្រុងច្បារមន ខេត្តកំពង់ស្ពឺ។
មន្ត្រីនគរបាលក្រុងច្បារមនបានឱ្យដឹងថាមនុស្សម្នាក់បានស្លាប់ដោយសារតែទុស្សេខ្សែភ្លើងបង្កឱ្យឆេះផ្ទះម្ចាស់ឈ្មោះញ៉ែមលីមភេទប្រុសអាយុ៥១ឆ្នាំនិងជនរងគ្រោះដែលស្លាប់នោះមានឈ្មោះយុនសុគន្ធកញ្ញាស្រីនាងមានអាយុ១៨ឆ្នាំត្រូវជាកូនរស់នៅក្នុងភូមិភ្នំដីសង្កាត់ច្បារមនក្រុងច្បារមនខេត្តកំពង់ស្ពឺ។
ប្រភពបានបន្តថាក្នុងករណីឆេះផ្ទះនេះមានទំហំទទឹង៥ម៉ែត្រនិងបណ្តោយ១០ម៉ែត្រ។ក្នុងហេតុការណ៍នេះជនរងគ្រោះស្លាប់ដោយសារថប់ដង្ហើម។ទ្រព្យសម្បតិខូចខាតទាំងស្រុងដោយប្រើប្រាស់រថយន្តពន្លត់អគ្គិភ័យចំនួន៥គ្រឿង។កម្លាំងក្រុងច្បារមនចំនួន២០នាក់កម្លាំងខេត្តចំនួន១៨នាក់កម្លាំងខេមរភូមិន្ទចំនួន២០នាក់អាវុធហត្ថក្រុងចំនួន៦នាក់សរុបកម្លាំងចំនួន៦៤នាក់ទើបរលត់ទាំងស្រុង ៕