ខេត្តព្រះសីហនុ៖កម្លាំងនគរបាលជំនាញប្រឆាំងគ្រឿងញៀនខេត្តបានចាប់ខ្លួនជនសង្ស័យចំនួន៣នាក់ពាក់ព័ន្ធគ្រឿងញៀននិងប្រដាប់ដោយអាវុធនៅចំណុចផ្លូវចូលរោងចក្រ យ៉ូវស៊ីង ក្រុម១៧ ភូមិ២ សង្កាត់១ ក្រុងព្រះសីហនុកាលពីយប់ថ្ងៃទី៣១ខែឧសភាឆ្នាំ២០២០។
មន្ត្រីនគរបាលបានឱ្យដឹងថាជនសង្ស័យ១.ឈ្មោះសយសុឃឿន(ជាមេបក្ខពួកក្រុមនេះ)ភេទប្រុស អាយុ២៨ឆ្នាំ។២.ឈ្មោះពេញបូរ៉ាភេទប្រុសអាយុ២៩ឆ្នាំ។៣.ឈ្មោះ សឿនធារ៉ាភេទប្រុសអាយុ២៣ឆ្នាំ។
ដកហូតវត្ថុតាងម្សៅក្រាមសថ្លាសង្ស័យជាសារធាតុញៀនចំនួន១៥កញ្ចប់(ធំ១កញ្ចប់មធ្យម០៨កញ្ចប់តូច៦កញ្ចប់)ទូរស័ព្ទដៃចំនួន៣គ្រឿងកាំភ្លើងខ្លីម៉ាកK54ចំនួន១ដើមគ្រាប់កាំភ្លើងចំនួន៧គ្រាប់និងសម្ភារពាក់ពន្ធ័មួយចំនួនទៀត។
ជនសង្ស័យត្រូវសមត្ថកិច្ចកសាងសំណុំរឿងបញ្ជូនខ្លួននិងវត្ថុតាងទៅសាលាដំបូងខេត្តដើម្បីចាត់ការតាមនីតិវិធី៕
