ភ្នំពេញ៖ស្រ្តីរងគ្រោះម្នាក់ជិះម៉ូតូ ធ្លាក់ជង្ហុកដួលស្រាប់តែមានជនសង្ស័យម្នាក់ ជិះកង់បីចុះមក បន្លំជួយលើក ក៏ជិះម៉ូតួរត់ទៅបាត់។តែម៉ូតូដាក់GPSតាមរកឃើញជនសង្ស័យកំពុងយកទៅលក់នៅម្តុំឃ្លាំងរំសេវរួចឃាត់ខ្លួនប្រគល់ឱ្យសមត្ថកិច្ច។
ហេតុការណ៍ភ្ញាក់ផ្អើលនេះបានកើតឡើងនៅ រំលងអធ្រាត្រចូលថ្ងៃ ទី១៥ខែមីនាឆ្នាំ២០២១ ស្តិតនៅតាមបណ្ដោយផ្លូវទៅ៣៧១ក្នុងសង្កាត់បឹងទំពន់ទី២ ខណ្ឌមានជ័យ ។ ជនសង្ស័យ ឈ្មោះគង បញ្ញាភេទប្រុស អា២៥ឆ្នាំ ទីលំនៅ ជិតនិងផ្សាចម្ការដូង ខណ្ឌដង្កោ។
ស្រ្តីរងគ្រោះបានឱ្យដឹងថា៖ គាត់បានជិះម៉ូតូម៉ាកហុងដា ទ្រីមសង់ សេ១២៥ សេរី២០២០ពាក់ផ្លាកលេខ ភ្នំពេញ1-IL 6857 ជិះម្នាក់ឯងធ្វើដំណើរតាមផ្លូវ៣៧១ ស្រាប់តែគាត់ជិះធ្លាក់ជង្ហុកដួល។ ស្រាប់តែភ្លាមនោះមានជនសង្ស័យម្នាក់ជិះកង់បីមិនចាំផ្លាកលេខចុះមកធ្វើជាជួយ រួចឃើញឱកាសល្អ ក៏បានជិះរត់គេចខ្លួនបាត់។
តែមួយសន្ទុះក្រោយមកឆែកតាមGPS ក៏ឃើញជនសង្ស័យកំពុងតែដោះគ្រឿងម៉ូតូលក់នៅម្តុំផ្សារឃ្លាំងរំសេវរួចពួកគាត់ឃាត់ជនសង្ស័យយកឱ្យសមត្ថកិច្ច៕
