ភ្នំពេញ៖បុរសម្នាក់ស្រវឹងស្រាជោគជាំនិងសង្ស័យប្រើប្រាស់គ្រឿងញៀនហួសកម្រិតបានយកកាំបិតចិតបន្លែអារប្រដាប់ភេទឯងដាច់ហូរឈាមស្រោចខ្លួន។បង្កការភ្ញាក់ផ្អើលនៅក្នុងភូមិដើមរកា១សង្កាត់ចាក់អង្រែក្រោម ខណ្ឌមានជ័យនាកាលពីវេលាម៉ោង១០ព្រឹកថ្ងៃទី២៩ខែមិថុនាឆ្នាំ២០២០។
ប្រភពព័ត៌មានពីប្រជាពលរដ្ធជុំវិញកន្លែងកើតហេតុបានឱ្យដឹងថាបុរសនេះតែងតែផឹកស្រាសជារៀងរាល់ថ្ងៃ។លើកនេះមិនដឹងជាយ៉ាងម៉េចបែរជារត់ស្រាតនិងយកកាំបិតចិតបន្លែចុងស្រួចកាត់ប្រដាប់ភេទខ្លួនឯងដាច់យ៉ាងសាហាវព្រៃផ្សៃ ហូរឈាមស្រោចពេញខ្លួនបង្កការភ្ញាក់ផ្អើល ។ ប្រភពបន្តថា សព្វដងបុសរូបនេះហូបស្រាស្លូតណាស់ចូលទៅសម្រាកជាធម្មតា។ប៉ុន្តែលើកនេះបែរជាធ្វើសកម្មភាពសាហាវព្រៃផ្សៃយ៉ាងដូច្នេះ សង្ស័យតែអាចប្រើប្រាស់គ្រឿងញៀនហួសកម្រិតផងក៏មិនដឹង ។
ភ្លាមនោះសមត្ថកិច្ចមូលដ្ឋានជាច្រើននាក់បានមកអន្តរាគមន៍ជួយសង្គ្រោះ ដោយចាប់ចងដៃចងជើង ដោយបុរសរូបនោះបានរើបម្រាសហើយថែមទាំងបានវាយតដៃទៅលើសមត្ថកិច្ចនិងប្រជាពលរដ្ធថែមទៀតផង។បុរសស្រវឹងស្រានិងសង្ស័យបែកថ្នាំញៀននោះត្រូវបានយកសង្គ្រោះនៅមន្ទីរពេទ្យសួគ៌ា៕