រថយន្តបុកជាមួយរថយន្តនិងបន្តទៅបុកបង្គោលភ្លើងទៀតរងការខូចខាតយ៉ាងដំណំ

ភ្នំពេញ៖រថយន្តស៊េរីទំនើបម៉ាក PORSCHE បានបុកគ្នាជាមួយរថយន្តម៉ាក Toyota Prius ត្រង់ផ្លូវបែកជាបួនរួចជ្រុលទៅបុកបង្គោលភ្លើងក្បែរនោះ បណ្ដាលឱ្យរងការខូចខាតយ៉ាងដំណំនៅ ក្នុងសង្កាត់បឹងកក់ទី២ ខណ្ឌទួលគោក កាលពី រំលងអធ្រាត្រចូលថ្ងៃទី២៩ខែមករា ឆ្នាំ២០២១។
សាក្សីពីកន្លែងកើតហេតុ បានឱ្យដឹងថា គេឃើញរថយន្តស៊េរីទំនើប ម៉ាក PORSCHE ពណ៌ស ពាក់ផ្លាកលេខ ភ្នំពេញ 2BB-5005 ធ្វើដំណើរតាមបណ្ដោយផ្លូវ។

លុះមកដល់ចំណុចផ្លូវបែកជាបួន ក៏ជ្រុលទៅបុកជាមួយរថយន្ត Toyota ពណ៌ក្រហម ពាក់ផ្លាកលេខ ភ្នំពេញ2AX0124ធ្វើដំណើរតាមបណ្តោយផ្លូវចំពីចំហៀងរថយន្តPriusពេញទំហឹងបណ្ដាលឱ្យរថយន្តPriusវិលមួយជុំ។រីឯរថយន្តម៉ាកPORSCHEបានបុកនិងបង្គោលភ្លើងថ្មពេញទំហឹងទៀតធ្វើឱ្យខូចខាតផ្នែកខាងមុខយ៉ាងដំណំ៕សហការី