ស្លាប់ម្នាក់របួសធ្ងន់២នាក់ករណីម៉ូតូបុកជាមួយម៉ូតូនៅខណ្ឌឬស្សីកែវ

ភ្នំពេញ៖បុរសម្នាក់បានស្លាប់និង២នាក់ទៀតបានរងរបួសធ្ងន់ក្នុងករណីម៉ូតូបុកជាមួយម៉ូតូ។ហេតុការណ៍នេះបានកើតឡើងតាមបណ្តោយផ្លូវជាតិលេខ៥មុខផ្សារច្រាំងចំរេះក្នុងភូមិខ១សង្កាត់ច្រាំងចំរេះ២ខណ្ឌឫស្សីកែវកាលពីរំលងអធា្រត្រចូលថ្ងៃទី២១ខែមករាឆ្នាំ២០២១។

សាក្សីបានឱ្យដឹងថា៖គេបានឃើញបុរសម្នាក់ មិនស្គាល់អត្តសញ្ញាណជាជនរងគ្រោះដែលស្លាប់ វ័យប្រហែលជា២៣ទៅ២៤ឆ្នាំជិះម៉ូតូម៉ាកហុងដាឌ្រីមសេ១២៥ពណ៌ខ្មៅស៊េរី២០១៩ពាក់ផ្លាកលេខភ្នំពេញ1HN4437។ម៉ូតូនេះបានជ្រុលបុកជាមួយម៉ូតូហុងដាឌ្រីមសេ១២៥ពណ៌ខ្មៅ ស៊េរី២០១៨ ពាក់ផ្លាកលេខរតនគីរី 1E6242 គោលបំណងបត់ឆ្វេងឆ្លងផ្លូវ ចូលទៅក្នុងផ្សារច្រាំងចំរេះ បណ្តាលឱ្យម៉ូតូបង្កបុកចំពីក្រោយពេញទំហឹង៕សហការី