ភ្នំពេញ៖គ្រោះថ្នាក់បានកើតឡើងភ្លាមៗលើក្មេងស្រីអាយុ៨ឆ្នាំម្នាក់ដែលបានយកខ្សែមកចង.កលេងភ្ជាប់នឹងបង្កាន់ដៃជណ្តើរក៏រអិលជើងកើតហេតុមែនទែនបណ្តាលឱ្យប្រកាច់ត្រដរខ្យល់ត្រូវក្រុមគ្រួសារដឹកទៅសង្គ្រោះបន្ទាន់។ករណីនេះបានកើតឡើងនៅភូមិព្រៃកីសង្កាត់ភ្លើងឆេះរទេះខណ្ឌកំបូលកាលពីរសៀលថ្ងៃទី១៤ខែមករាឆ្នាំ២០២១។
ជីដូនក្មេងស្រីនោះបានឱ្យដឹងថា៖ក្មេងស្រីរងគ្រោះឈ្មោះអូនអាលីណាអាយុ៨ឆ្នាំនៅជាមួយជីដូនផ្ទះកើតហេតុ។ជីដូនក្មេងស្រីបានបន្តថា៖មុនកើតហេតុចៅរបស់គាត់លេងតែម្នាក់ឯងនៅផ្ទះជាន់លើឯគាត់(ជីដូន)រវល់នៅជាន់ក្រោម។បន្ទាប់មកជីដូនបានឮសូរសំឡេងត្រដរខ្យល់ហើយរត់ឡើងទៅមើលឃើញក្មេងស្រីនេះយកខ្សែមកចងកលេងជាប់នឹងបង្កាន់ដៃជណ្តើរទើបដឹកយកទៅគ្លីនិកមួយដែលមានទីតាំងនៅក្នុងភូមិ។
ប៉ុន្តែគ្រូពេទ្យគ្មានលទ្ធភាពជួយសង្គ្រោះព្រោះក្មេងស្រីស្ថិតក្នុងសភាពធ្ងន់ធ្ងរពេកក៏ប្រាប់ឱ្យក្រុមគ្រួសារដឹកបញ្ជូនទៅសង្គ្រោះនៅមន្ទីរពេទ្យគន្ធបុប្ផា៕សហការី
