កណ្តាល៖សមត្ថកិច្ចចាប់ជនម្នាក់ជាឃាតកដែលបានចាក់សម្លាប់នារីម្នាក់ក្រោយពីចាប់រំលោភសេពសន្ថវៈ។ការឃាត់ខ្លួនជនល្មើសនេះនៅថ្ងៃទី៥ខែមករាឆ្នាំ២០២០នេះក្រោយកើតហេតុបានប៉ុន្មានម៉ោងប៉ុណ្ណោះ។អំពើឃាតកម្មនេះកើតឡើងនៅបន្ទប់ជួលលេខ៨ភូមិព្រែកហូរកើតសង្កាត់ព្រែកហូរក្រុងតាខ្មៅខេត្តកណ្តាល ។
លោកឧត្តមសេនីយ៍ទោឈឿនសុចិត្តស្នងការនគរបាលខេត្តកណ្ដាលបានឱ្យដឹងថា៖ជនសង្ស័យឈ្មោះទូចសជាតិហៅអាដំរីអាយុ៣៥ឆ្នាំរស់នៅភូមិព្រែកហូរកើតសង្កាត់ព្រែកហូរក្រុងតាខ្មៅខេត្តកណ្តាល។ចំណែកនារីរងគ្រោះឈ្មោះផ.ប.ញអាយុ១៨ឆ្នាំជាសិស្សរៀននៅវិទ្យាល័យហ៊ុនសែនតាខ្មៅទីលំនៅបច្ចុប្បន្នកន្លែងកើតហេតុ ។
លោកស្នងការបានឱ្យដឹងទៀតថា៖ឃាតកដែលចាក់សម្លាប់ក្មេងស្រីអាយុ១៨ឆ្នាំបានសារភាពប្រាប់សមត្ថកិច្ចថា៖មូលហេតុដែលខ្លួនចាក់សម្លាប់នារីនោះដោយសារតែខ្លួនខ្លាចជាប់គុក។ព្រោះនារីរងគ្រោះបានគំរាមថានឹងប្រាប់ឪពុកម្ដាយឱ្យដឹងពីករណីខ្លួនរំលោភសេពសន្ថវៈកាលពី៧ថ្ងៃមុន ។
សូមរំលឹកថា៖មុនពេលកើតហេតុនារីរងគ្រោះស្នាក់នៅក្នុងបន្ទប់ជាមួយក្រុមគ្រួសារមានគ្នា៥នាក់ មានឪពុកម្តាយនិងប្អូន២នាក់ទៀត។លុះព្រឹកថ្ងៃទី៥ខែមករាឆ្នាំ២០២១ក្រុមគ្រួសារបានចេញក្រៅអស់។ស្រាប់តែគេឮសំឡេងស្រែកនាំគ្នាទៅមើលឃើញនារីរងគ្រោះដេកស្លាប់ក្នុងបន្ទប់មានឃើញស្នាមចាក់ជាច្រើនកាំបិត។
ក្រោយរឿងហេតុនេះសមត្ថកិច្ចដែលដឹកនាំបញ្ជាផ្ទាល់ពីលោកឧត្តមសេនីយ៍ទោឈឿនសុចិត្តស្នងការនគរបាលខេត្តកណ្តាលបានស្រាវជ្រាវយ៉ាងយកចិត្តទុកនិងឃាត់ខ្លួនបានឃាតកដែលធ្វើជាមកទីតាំងកើតហេតុ ដូចគ្មានរឿងអ្វីកើតឡើង៕សហការី
