កណ្ដាល៖សមត្ថកិច្ចនគរបាលបានឃាត់ខ្លួនមន្ដ្រីយោធាពាក់ផ្កាយមួយម្នាក់និងត្រូវជាម្ចាស់មន្ទីរសម្រាកព្យាបាលនិងសម្ភពយីហោសុខម៉េងដែលដកកាំភ្លើងខ្លីវាយក្បាលសន្ដិសុខម្នាក់បណ្ដាលឱ្យដួលសន្លប់ក្នុងថ្លុកឈាម។ហេតុការណ៍នេះបានបង្កឱ្យមានការភ្ញាក់ផ្អើលកាលពីថ្ងៃត្រង់ថ្ងៃទី៤ខែមករាឆ្នាំ២០២១។
ប្រភពពីលោកវរសេនីយ៍ឯកមានសំណាងអធិការនគរបាលស្រុកអង្គស្នួលបានឱ្យដឹងថា៖ជនបង្កគឺជាម្ចាស់គ្លីនិកនេះជាមន្ដ្រីយោធាពាក់ផ្កាយមួយផងនិងជាម្ចាស់មន្ទីរសម្រាកព្យាបាលនិងសម្ភពយីហោសុខម៉េងនេះផង។ក្រោយពីបង្កហេតុជនសង្ស័យត្រូវសមត្ថកិច្ចឃាត់ខ្លួនដើម្បីយកទៅសួរនាំ។
ចំពោះហេតុការណ៍ដែលនាំឱ្យមានអំពើហិង្សានេះកើតឡើងលោកអធិការនគរបាលស្រុកមិនទាន់បញ្ជាក់ឱ្យដឹងនៅឡើយទេកំពុងធ្វើការសួរនាំជនបង្កនិងជនរងគ្រោះ៕សហការី
