ខេត្តព្រះវិហារ៖លោករីឡាយនាយសង្កាត់រដ្ឋបាលព្រៃឈើស្រុកជ័យសែនខេត្តព្រះវិហារបានរងការចោទប្រកាន់ពីមហាជនថាបានបណ្តែតបណ្តោយឱ្យក្រុមឈ្មួញរកស៊ីដឹកជញ្ជូនឈើស្រេចតែអំពើចិត្ត។
ប្រភពព័ត៌មានបានឱ្យដឹងថាៈជារៀងរាល់យប់គេតែងសង្កេតឃើញបទល្មើសព្រៃឈើមានការដឹកជញ្ជូនចេញពីស្រុកជ័យសែនឆ្ពោះទៅខេត្តកំពង់ធំ។ការដឹកជញ្ជូនឈើនេះបានឆ្លងកាត់សង្កាត់រដ្ឋបាលព្រៃឈើជ័យសែនដែលឈ្មួញហាក់គ្មានកោតក្រែងសមត្ថកិច្ចឡើយ។
តាមបទបញ្ជារបស់ប្រធានគណៈកម្មាធិការបង្ការបង្គ្រាបបទល្មើសថ្នាក់ខេត្តបានដាក់បទបញ្ជាទៅដល់មន្ត្រីពាក់ព័ន្ធក្រោមឱវាទទាំងអស់ធ្វើយ៉ាងណាបង្ក្រាបឱ្យខាងតែបាននិងឱ្យមានប្រសិទ្ធភាព។តែផ្ទុយទៅវិញបទល្មើសនៅតែមានកើតឡើងជាហូរហែ។ក្នុងការដាក់បារ៉ាស់ត្រួតពិនិត្យឆែកឆេរថយន្តបានត្រឹមតែមួយដង្ហើមចង្រិតប៉ុណ្ណោះ។
ទាក់ទិនករណីឈ្មួញរកស៊ីដឹកជញ្ជួនឈើនេះគេហទំព័រPLAមិនទាន់បានការបញ្ជាក់ពីលោករីឡាយនាយសង្កាត់រដ្ឋបាលព្រៃឈើស្រុកជ័យសែនខេត្តព្រះវិហារនៅឡើយទេ។ក្រុមការងារគេហទំព័រយើងរង់ចាំទទួលការបកស្រាយបំភ្លឺពីលោករីឡាយឬតំណាងអង្គភាពដើម្បីផ្សាយជូននាលេខក្រោយ៕
