ខេត្តព្រះសីហនុ៖កាលពីថ្ងៃទី៣ខែធ្នូឆ្នាំ២០២០ខេត្តព្រះសីហនុអគ្គិភ័យបានបង្កគ្រោះមហន្តរាយចំនួន២កន្លែងផ្សេងគ្នា។លោកឧត្តមសេនីយ៍ត្រីប៊ូសុធីស្នងការរងនគរបាលខេត្តព្រះសីហនុបានឱ្យដឹងនាព្រឹកថ្ងៃទី៤ខែធ្នូឆ្នាំ២០២០នេះថាៈទីតាំងទី១កាលពីព្រឹកថ្ងៃទី៣ខែធ្នូឆ្នាំ២០២០ស្ថិតនៅភូមិចំណោតរាមឃុំបិតត្រាំងស្រុកព្រៃនប់ក្រុង/ខេត្តព្រះសីហនុមានអគ្គិភយ័ឆេះទីតាំងផ្ទុកសម្ភារអេតចាយមួយកន្លែងបណ្ដាលឱ្យឆេះរថយន្ត១គ្រឿងនិងអេតចាយទាំងស្រុង។ការខួចខាតគិតជាទឹកប្រាក់ប្រហែល៤.៥០០ដុល្លារ។មូលហេតុ:បណ្តាលមកពីឆ្លងប្រព័ន្ធភ្លើងពីរថយន្ត។
ទីតាំងទី២កាលពីល្ងាចថ្ងៃទី៣ខែធ្នូឆ្នាំ២០២០មានអគ្គិភ័យកើតឡើងនៅក្នុងរោងចក្រផលិតក្តារបន្ទះ ក្នុងតំបន់សេដ្ឋកិច្ចពិសេសឃុំបិតត្រាំងស្រុកព្រៃនប់ខេត្តព្រះសីហនុបណ្តាលឱ្យខូចខាតឡចំហុយក្តារបន្ទះចំនួន២និងបន្ទះក្តារមួយចំនួន។ភ្លាមៗសមត្ថកិច្ចបានប្រើប្រាស់រថយន្តពន្លត់អគ្គិភ័យចំនួន២គ្រឿងបាញ់ទឹកពន្លត់ទាន់ពេល។ មូលហេតុៈមកពីការឆ្លងចរន្តអគ្គិសនីនៅក្បែរម៉ាស៊ីនចំហុយ។
ករណីនេះបណ្តាលឱ្យមានអ្នករងរបួស៤នាក់កម្មករខ្មែរ៣នាក់និងចិនម្នាក់បានប្រើប្រាស់រថយន្តពន្លត់អគ្គិភ័យចំនួន២គ្រឿង ប្រើទឹកបាញ់ពន្លត់អស់៨រថយន្ត៕សហការី