ភ្នំពេញ៖យុវជនម្នាក់បានជិះម៉ូតូទៅបុកពីក្រោយរថយន្តកុងតឺន័រដែលកំពុងឈប់ចតផ្ទេទំនិញនិងរថយន្តស្ទូចបណ្តាលឱ្យស្លាប់ពេលបញ្ជូនទៅមន្ទីរពេទ្យ។ករណីនេះបានកើតឡើងនៅទល់មុខអាកាសយានដ្ឋានអន្តរជាតិភ្នំពេញតាមបណ្តោយផ្លូវសហព័ន្ធរុស្សីក្នុងសង្កាត់កាកាបទី១ខណ្ឌពោធិ៍សែនជ័យកាលពីរំលងអធ្រាត្រចូលថ្ងៃទី១ខែធ្នូឆ្នាំ២០២០។
មន្ត្រីនគរបាលបានឱ្យដឹងថាៈជនរងគ្រោះមានឈ្មោះអ៊ុចប៉ាវអាយុ២៦ឆ្នាំជាអ្នកគិតលុយនៅម៉ាតជិតរ៉ារទេះភ្លើងរស់នៅជិតវត្តតាំងកសាងក្នុងសង្កាត់កាកាបទី២ខណ្ឌពោធិ៍សែនជ័យ។ជិះម៉ូតូម៉ាកហុងដាប៊ិតពាក់ផ្លាកលេខកណ្តាល1AI.8404។ចំណែករថយន្តកុងតឺន័រសណ្តោងរឺម៉កពាក់ផ្លាកលេខខាងក្រោយភ្នំពេញ4A.5958ខាងក្បាលពាក់ផ្លាកលេខភ្នំពេញ3E.6599។រថយន្តស្ទូចពាក់ផ្លាកលេខភ្នំពេញ3F.1307ដែលចត ទន្ទឹមគ្នាលើទ្រូងផ្លូវ៕សហការី
