ព្រះសីហនុ៖ខ្សែចរន្តភ្លើងអគ្គិសនីបានឆ្លងឆក់កម្មករសំណង់ម្នាក់បណ្តាលឱ្យស្លាប់ក្នុងការដ្ឋានមួយកន្លែងនៅក្រុងព្រះសីហនុ។ករណីនេះកើតឡើងនៅចំណុចការដ្ឋានផ្ទះល្វែងមួយកន្លែងស្ថិតក្នុងក្រុមទី១០ភូមិ២សង្កាត់លេខ១ ក្រុងព្រះសីហនុកាលពីល្ងាចថ្ងៃទី២២ខែវិច្ឆិកាឆ្នាំ២០២០ ។
មន្ត្រីនគរបាលបានឱ្យដឹងថាៈជនរងគ្រោះឈ្មោះវិនចិត្តាភេទប្រុសអាយុ២៣ឆ្នាំជនជាតិខ្មែរមុខរបរកម្មករសំណង់។ស្នាក់នៅបណ្តោះអាសន្នកន្លែងកើតហេតុមានស្រុកកំណើតនៅភូមិកែងតាសុខឃុំកំពង់ហៅស្រុកកំពង់លែងខេត្តកំពង់ឆ្នាំង។នគរបាលជំនាញបច្ចេកទេសវិទ្យាសាស្ត្រធ្វើកោសល្យវិច័យរួចបានសន្និដ្ឋានជំហានដំបូងថាៈសាកសពពិតជាស្លាប់ដោយសារឆក់ខ្សែភ្លើងពិតប្រាកដមែន៕