បន្ទាយមានជ័យ៖នាយករងខុទ្ទកាល័យសម្តេចតេជោហ៊ុនសែននាយករដ្ឋមន្ត្រីលោកប៉ានខែមប៊ុនថនប្រធានក្រុមការងារសម្រួលសម្រួលដោះស្រាយទំនាស់ដីធ្លីនៅចំណុចបឹងជង្រុកនិងចំណុច៦៧១ឃុំទួលពង្រស្រុកម៉ាឡៃខេត្តបន្ទាយមានជ័យនិយាយកាលពីថ្ងៃទី១០ខែធ្នូឆ្នាំ២០២០ថាៈក្រោយដកមន្ត្រីម្នាក់ជាអ្នកករាំងស្ទះដំណោះស្រាយដីធ្លីនៅបឹងជង្រុកនិង៦៧១ស្រុកម៉ាឡៃនោះពលរដ្ឋ៣៥០គ្រួសារលើ១.២៧១គ្រួសារដែលងាកចេញគោលនយោបាយក៏ចូលមកវិញ។ហេតុនេះយន្តការដោះស្រាយក៏បន្តរលូនទៅមុខឡើងវិញ។
លោកលើកឡើងសង្ខេបជូនសប្បុរសជននៃរដ្ឋបាលក្រុង,យុវជនក្រុងប៉ោយប៉ែតដឹកនាំមកដោយលោកគាត ហ៊ុលអភិបាលក្រុង ដែលនាំអំណោយស្បៀងអាហារនិងថវិកាទៅជូនក្រុមការងារ ។
លោកបានបន្តថា៖អ្នកបង្ករាំងស្ទះនិងដឹកនាំពលរដ្ថ៣៥០គ្រួសារលើ១.២៧១ក្រួសារឱ្យដើរចេញហើយប្រឆាំងនឹងគោលនយោបាយសម្តេចតេជោហ៊ុនសែននាយករដ្ឋមន្ត្រីលើដំណោះស្រាយទំនាស់ដីធ្លីនៅបឹងជង្រុកនិង៦៧១នេះត្រូវបានរកឃើញកំហុសត្រូវបានសម្តេចតេជោដកតំណែងហើយ ។
មន្ត្រីនោះគឺលោកចាន់យ៉េនប្រធានគណបក្សនគរប្រជាធិបតេយ្យនិងជាសមាជិកឧត្តមក្រុមប្រឹក្សាពិគ្រោះនិងផ្តល់យោបល់ត្រូវបានព្រះមហាក្សត្រឡាយព្រហស្ថលេខាបញ្ឈប់តំណែងហើយកាលពីថ្ងៃទី៩ខែធ្នុឆ្នាំ២០២០យោងមន្ត្រីក្រុមការងារថ្នាក់ជាតិថ្នាក់ខេត្តនិងស្រុកបានប្រាប់ថា៖គេមានភស្តុតាងនិង
សាក្សីជាច្រើននាពេលនេះនិងកន្លងមកដែលលោកចាន់យ៉េនបានបង្កការញុះញង់ប្រឆាំងលើដំណោះស្រាយហើយបង្កើតក្រុមមនុស្សរបស់លោកនៅទីនោះបង្ករាំងស្ទះ។លោកបានបន្តថាដំណោះស្រាយរឿងទំនាស់ដីធ្លីនៅទីនេះបានរអាក់រអួលខ្លះតែឥឡូវវបានរលូនទៅមុខវិញហើយ។ក្នុងនោះពលរដ្ឋ៣៥០គ្រួសារដែលដើរពីដំណោះស្រាយនោះ ក៏បានវិលមកវិញដែរ ។
សូមបញ្ជាក់ថាដីធ្លីទំនាស់នៅចំណុចបឹងជង្រុកនិងចំណុច៦៧១សំដៅដីរបបយោធិននៃអតីតវរសេនាតូចលេខ៦៧១កងពលធំលេខ២១តំបន់ម៉ាឡៃភូមិសាស្ត្រឃុំទួលពង្រស្រុកម៉ាឡៃមានទំហំ៣០៤ហិកតាពាក់ព័ន្ធមនុស្ស១.២៧១នាក់។ដីនេះមានទំនាស់រាំរ៉ៃជាង១០ឆ្នាំមកហើយ។
ប៉ុន្តែពីចុងខែតុលាដល់ដើមខែធ្នូឆ្នាំ២០២០មកក្រោមអនុសាសន៍សម្តេចតេជោនោះក្រុមការងារថ្នាក់ជាតិថ្នាក់ខេត្តថ្នាក់ស្រុកនិងមន្ត្រីជំនាញកងកម្លាំងពលរដ្ឋអ្នកពាក់ព័ន្ធបានដោះស្រាយទម្លុះទម្លាយភាពទាល់ច្រក ហើយឈានទៅព្រមព្រៀងបញ្ចប់វិវាទទាំងស្រុង ។
សូមបញ្ជាក់ថាអំណោយលើកនេះពីរដ្ឋបាលក្រុងប៉ោយប៉ែតនិងយុវជនស្រឡាញ់សន្តិភាពក្រុងប៉ោយប៉ែតដឹកនាំដោយលោកគាតហ៊ុលអភិបាលក្រុង,បាននាំទៅជូនក្រុមការងារចុះដោះស្រាយទំនាស់ដីធ្លីនៅទីនោះរួមមានអង្ករ ១,៥តោន មី១០កេះធំ(ឬ៦០កេះតូច) ទឹកត្រី៥០យួរ ទឹកស៊ីអ៊ីវ៥០យួរ មើមដំឡូង៥០គក្រ ម៉ាស់២កេះធំ ថវិកា៣លានរៀល ៕សហការី