ព្រះវិហារ៖គ្រោះថ្នាក់ចរាចរណ៍បង្កឡើងរវាងរថយន្តបុកជាមួយម៉ូតូបណ្តាលឱ្យបុរស២នាក់ស្លាប់។ហេតុកាណ៏នេះបានកើតឡើងតាមបណ្តោយផ្លូវជាតិលេខ៦២បេចន្លោះបង្គោលគីឡូលេខ១១៣.១១៤ស្ថិតក្នុងភូមិគ្រាំងដូងឃុំព្រះឃ្លាំងស្រុកត្បែងមានជ័យខេត្តព្រះវិហារកាលពីរសៀលថ្ងៃ១៤ខែមិថុនាឆ្នាំ២០២០។
លោកវរសេនីយ៍ត្រីស៊ីនស៊ីដេតអធិការងនគរបាលស្រុកត្បែងមានជ័យបានឱ្យដឹងថា៖រថយន្តម៉ាកសាំយ៉ុង១គ្រឿងពណ៌លឿងពាក់ស្លាកលេខភ្នំពេញ2B.A.5352បើកបរដោយជនមិនស្គាល់អត្តសញាណ។ម៉ូតូជនរងគ្រោះ១គ្រឿងម៉ាកទ្រីមសង់សេ១២៥ពណ៌ខ្មៅសេរីឆ្នាំ២០១៩ពាក់ស្លាក់លេខភ្នំពេញ១A.F=58.72.។អ្នកជិះម៉ូតូស្លាប់ភ្លាមៗទាំង២នាក់នៅនឹងកន្លែងកើតហេតុ។
ជនរងគ្រោះទាំង២នាក់ឈ្មោះទី១ឈ្មោះគង់សំអូនភេទប្រុសអាយុ៣៨ឆ្នាំរស់នៅភូមិដូនម៉ាឃុំរក្សាស្រុករវៀងខេត្តព្រះវិហារអ្នកបើកម៉ូតូស្លាប់។ទី២ឈ្មោះ.បងវណ្ណៈភេទប្រុសអាយុ៤០ឆ្នាំរស់នៅភូមិឃុំនឹងស្រុកជាមួយគ្នាស្លាប់។ដោយឡែកតៃកុងរថយន្តបង្កបានរត់គេចខ្លួនបាត់។
បច្ចុប្បន្នទាំងរថយន្តនិងម៉ូតូរបស់ជនរងគ្រោះត្រូវបានយកមករក្សាទុកនៅអធិការដ្ឋាននគបាលស្រុកត្បែងមានជ័យដើម្បីស្វែងរកតៃកុងរថយន្តបង្កដើម្បីឱ្យចូលខ្លួនដោះស្រាយតាមនីតិវិធីច្បាប់៕