ភ្នំពេញ៖បុរសចិនម្នាក់ជិះម៉ូតូលឿនឡើងពំនូកថ្មដួលបោកនឹងខឿនចិញ្ចើមផ្លូវបែកក្បាលស្លាប់ភ្លាមៗ។ហេតុការណ៍បានកើតឡើងនៅតាមបណ្តោយផ្លូវបេតុងក្នុងតំបន់សេដ្ឋកិច្ចភ្នំពេញស្ថិតនៅសង្កាត់បឹងធំខណ្ឌកំបូលរាជធានីភ្នំពេញកាលពីយប់ថ្ងៃទី៣ខែវិច្ឆិកាឆ្នាំ២០២០។
សមត្ថកិច្ចបានឱ្យដឹងថាៈជនរងគ្រោះជនជាតិចិនដោយមិនទាន់ស្គាល់អត្តសញ្ញាណជិះម៉ូតូម៉ាកវេវពណ៌ខ្មៅពាក់ស្លាកលេខភ្នំពេញ1BQ6502។ក្រោយពេលកើតហេតុកម្លាំងនគរបាលប៉ុស្តិ៍ផ្នែកជំនាញចរាចរណ៍ខណ្ឌកំបូលចុះវាស់វែង។បន្ទាប់មកសពដឹកយកទៅតំកល់នៅវត្តទឹកថ្លាចំណែកម៉ូតូជនរងគ្រោះយកទៅរក្សាទុកនៅចរាចរណ៍ខណ្ឌកំបូល៕សហការី