ភ្នំពេញ៖បុរសពីរនាក់ជិះម៉ូតូឌុបគ្នាក្នុងល្បឿនលឿនបានជ្រុលទៅបុករថយន្តដឹកខ្សាច់ដែលបត់ឆ្លងផ្លូវ
បណ្តាលឱ្យដួលបោកក្បាលស្លាប់ទាំងពីរ។ហេតុការណ៍នេះបានកើតឡើងនៅតាមផ្លូវជាតិលេខ៦ទល់មុខវត្តវត្តចំបក់មាសក្នុងសង្កាត់បាក់ខែងខណ្ឌជ្រោយចង្វារកាលពីព្រឹកថ្ងៃទី២ខែមករាឆ្នាំ២០២១។
មន្ត្រីសមត្ថកិច្ចបានឱ្យដឹងថាៈជនរងគ្រោះដែលស្លាប់ឈ្មោះជេជាតិអាយុ៣១ឆ្នាំជាងធ្វើផ្ទះឈើ។ឈ្មោះឈឿនឆោមអាយុ៤៨ឆ្នាំជាជាងផ្ទះអ្នកទាំងពីរនៅភូមិទ្រាឃុំស្វាយពោធិ៍ស្រុកស្រីសន្ធរខេត្តកំពង់ចាម។ជនរងគ្រោះជិះម៉ូតូម៉ាកហុងដាឌ្រីមស៊េរី២០១២ពណ៌ខ្មៅផ្លាកលេខកំពង់ចាម១J៨៩៥៥។
ចំណែករថយន្តដឹកខ្សាច់ម៉ាកDONGFENGបើកបរដោយឈ្មោះហៀងគឹមហាក់ភេទប្រុសអាយុ២៥ឆ្នាំនៅភូមិព្រែកកន្ទួតឃុំតាឡូស្រុកបាកានខេត្តពោធិ៍សាត់ត្រូវនគរបាលឃាត់ខ្លួន។បន្ទាប់ពីគ្រោះថ្នាក់រថយន្តនិងអ្នកបើកបរព្រមទាំងម៉ូតូត្រូវបាននគរបាលបានបញ្ជូនទៅកាន់ការិយាល័យចរាចរផ្លូវគោកដើម្បីចាត់ការតាមច្បាប់៕សហការី
