ភ្នំពេញ៖រថយន្តធំម៉ាកហីណូប្រភេទសណ្ដោងកុងតឺន័របានបើកបុកម៉ូតូបណ្ដាលឱ្យកិនបុរសម្នាក់អូសជាង៥០ម៉ែត្រស្លាប់និងបុរសម្នាក់ទៀតរងរបួស។ហេតុការណ៍នេះបានកើតឡើងនៅតាមបណ្តាញផ្លូវ៥០ម៉ែត្រស្ថិតក្នុងភូមិព្រែកថ្លឹងសង្កាត់ជើងឯកខណ្ឌដង្កោរាជធានីភ្នំពេញកាលពីយប់ថ្ងៃទី២៨ខែតុលាឆ្នាំ ២០២០។
សមត្ថកិច្ចបានដឹងថា ភាគីខាងម៉ូតូម៉ាកហុងដាប៊ីតពាក់ស្លាកលេខ ភ្នំពេញ 1HI4409អ្នកបើកបរឈ្មោះ នីមឃឿនភេទប្រុសអាយុ២៨ឆ្នាំនៅភូមិដំណាក់សង្កែសង្កាត់ព្រែកកំពិស ខណ្ឌដង្កោរងរបួស។ ឯអ្នករួមដំណើរឈ្មោះវ៉ាន់នីរិទ្ធបញ្ញាសិដ្ឋភេទប្រុសអាយុ៣២ឆ្នាំនៅភូមិសង្កាត់ជាមួយគ្នាស្លាប់នៅហ្នឹងកន្លែងកើតហេតុ។ដោយឡែកភាគីរថយន្តម៉ាកហីណួប្រភេទរថយន្តសណ្តោងកុងតឺន័រ ពាក់ស្លាកលេខក្រុព្រះសីហនុ3A0846អ្នកបើកបរពុំស្គាល់អត្តសញ្ញាណរត់គេចខ្លួនបាត់៕សហការី