បន្ទាយមានជ័យ៖ទឹកជំនន់នៅស្រុកប៉ែកខាងលិចប្រទេសក្នុងខេត្តបន្ទាយមានជ័យដែលលិចលង់ដោយជំនន់ទឹកភ្លៀងបច្ចុប្បន្នចាប់ស្រកជាបណ្តើរហើយ។គិតថ្ងៃទី១៨ខែតុលាឆ្នាំ២០២០ទីរួមស្រុកថ្មពួកបានលិចលង់ដោយទឹកជំនន់ប្រមាណ៧០ភាគរយ។ឯចំណុចខ្លះនៅភូមិនៃឃុំគោករមៀតបន្ទាយឆ្មារភូមិថ្មីក៏បាននឹងកំពុងលិច ។
លោកឌៀបឈួនអភិបាលស្រុកថ្មពួកឱ្យដឹងកាលពីថ្ងៃទី១៩ខែតុលាថា៖ជំនន់ទឹកភ្លៀងនិងទឺកហូរធ្លាក់ពីភូមិសាស្ត្រស្រុកតាប្រាយ៉ាខេត្តស្រះកែវប្រទេសថៃបានបង្កជាទឹកជំនន់ហក់ឡើងលឿន។បង្កលិចលង់ទីប្រជុំជនស្រុកប្រមាណ៧០ភាគរយ។លោកយង់យឹនអភិបាលរងស្រុកនេះវិញបានឱ្យដឹងដែរថា៖ជំនន់ទឹកភ្លៀងបានបង្កបាក់ធ្លាយទំនប់ក្រវ៉ាត់ស្រុកនៃស្ទឹងថ្មពួកបង្កលិចលង់ប្រជុំជនស្រុក។ទឹកហូរទៅក្រោមបានបង្កបាក់ធ្លាយអាងកាប់ចោរនៅឃុំភូមិថ្មី ហើយរុញទៅឃុំគោកកឋិន ។
មុននេះ បានលិចលង់លង់ខ្លាំងនៅភូមិនានាប៉ែកខាងជើងផ្លូវខេត្តលេខ២៥៦៣ ថ្មពួក -បឹងត្រកួន ក្នុងឃុំគោករមៀត ។ក៏លិចលង់ផ្លូវជាតិលេខ៥៨ ម្តុំស្ពានទី១ឬស្ពានអាមេរិកាំង) កម្ពស់់ពី០,២មទៅ០,៦ម ប្រវែង៣០០ម៉ែត្រពីយប់ថ្ងៃទី២៧ ដល់ទៀបភ្លឺថ្ងៃទី១៩ខែតុលា ដែលចាំបាច់ត្រូវផ្អាកបណ្តោះអាសន្នរថយន្តធុនធំដឹកធ្ងន់ឆ្លងកាត់។
ប៉ុន្តែពីរសៀលថ្ងៃទី១៩ខែតុលាតទៅទឹកបានស្រកវិញហើយចរាចរណ៍ទូទៅបានឆ្លងកាត់ធម្មតាវិញដែរ ។យោងរបាយករណ៍រដ្ឋបាលស្រុកថ្មពួកឱ្យដឹងថា៖ផលប៉ះពាល់រងគ្រោះពីជំនន់ទឹកភ្លៀងនិងពីទឹកជំនន់ពីប្រទេសថៃ ពីថ្ងៃទី៤ដល់ថ្ងៃទី១៨ខែតុលាឆ្នាំ២០២០ បានគ្រប់ដណ្តប់លើឃុំទាំង៦នៃស្រុក ។
ជំនន់នេះប៉ះពាល់ពលរដ្ឋ៤.២៣៦គ្រួសារ ស្មើនឹង១១.៧៥៦នាក់ ស្លាប់មនុស្ស២នាក់ ម្នាក់ទៀតបាត់ខ្លួន ជម្លៀសពីផ្ទះ៩៦គ្រួសារ ។ ប៉ះពាល់ដំណាំស្រូវ៥.២២៩ហិកតា ដំឡូងមី ៧.៥១២ហិកតា ដំណាំរួមផ្សំ២១ហិកតា សាលារៀល២៦កន្លែង វត្ត៨ ទឹកហូរកាត់ផ្លូវ១១៣ចំណុច ប្រវែង៧២ .៧៦២ម៉ែត្រ។
ក្នុងនោះ បានលិចមន្ទីរពេទ្យ១ មណ្ឌលសុខភាព១ ការិយាល័យសុខាភិបាលស្រុកប្រតិបត្តិ១ សាលាស្រុក១អធិការដ្ឋាននគរបាល១ការិយាល័យនៃជំនាញនានាជុំវិញស្រុក។ដាច់ទំនប់និងអាង៥កន្លែង ប្រវែង១.៣៧៣ម៉ែត្រ ដាច់ទំនប់និងអាង ហើយទឹកហូរពីលើ៥៤០ម៉ែត្រ៕សហការី
