ព្រះសីហនុ៖រថយន្តទំនើបម៉ាក Rang Rover កំពុងបើកបរត្រូវបានឆ្លងប្រព័ន្ធភ្លើង ហើយក៏ឆាបឆេះខ្ទេចអស់ទាំងស្រុងមុនពេលកម្លាំងអន្តរាគមន៍ចុះទៅដល់។
សមត្ថកិច្ចបានឱ្យដឹងថា កាលពីរំលងអធ្រាត្រចូលថ្ងៃទី១៨ ខែឧសភាឆ្នាំ២០២៣នេះ មានករណីឆេះរថយន្តមួយគ្រឿងម៉ាកRang Rover ផ្លាកលេខភ្នំពេញ2-BB-3787 ម្ចាស់រថយន្តឈ្មោះ ផន សុភា រស់នៅភ្នំពេញ។រថយន្តនេះបានជួលឱ្យឈ្មោះ Ren Houan ជនជាតិចិនជាអ្នកបើកបរ។
បុរសចិនរូបនេះបានធ្វើដំណើរតាមផ្លូវជាតិលេខ៤ មកដល់ភូមិ៦ សង្កាត់លេខ៤ ក្រុង/ខេត្តព្រះសីហនុ ត្រូវភ្លើងបានឆាបឆេះខ្ទេចអស់ទាំងស្រុង មុនពេលកម្លាំងជំនាញចុះទៅដល់។តាមការបំភ្លឺរបស់អ្នកបើកបររថយន្តបានបញ្ចាក់ថា គឺបណ្តាលមកពីឆ្លងចរន្តភ្លើងក្នុងរថយន្ត។
ភ្លាមៗនោះកម្លាំងបង្ការពន្លត់អគ្គិភ័យនិងសង្គ្រោះ បានចេញរថយន្តចំនួន២គ្រឿងបាញ់ទឹកអស់២រថយន្ត។ប៉ុន្តែរថយន្តម៉ាកRang Rover ដែលភ្លើងឆេះបានខូចខាតខ្ទេចខ្ទីអស់៕
