ភ្នំពេញ:កម្លាំងនគរបាលរាជធានីភ្នំពេញបានចុះបង្ក្រាបនៅភោជនីយដ្ឋានមួយកន្លែងយីហោហុកសិបប្រាំមួយដឺក្រេផាប&ឡោញដោយឃាត់ខ្លួនជនសង្ស័យចំនួន៦៥នាក់និងគ្រឿងញៀនមួយចំនួនធំ។ការឃាត់ខ្លួនធ្វើឡើងនៅផ្លូវ២០៥កែងនិងផ្លូវ៣៨៤ក្នុងសង្កាត់ទួលស្វាយព្រៃទី២ខណ្ឌបឹងកេងកងកាលពីរំលងអធ្រាត្រចូលថ្ងៃចន្ទទី១២ខែតុលាឆ្នាំ២០២០។
សមត្ថកិច្ចបានឱ្យដឹងថាៈក្នុងការចុះបង្ក្រាបទីតាំងនេះសមត្ថកិច្ចឃាត់ខ្លួនមនុស្សសរុបចំនួន៦៥នាក់ ស្រី២១នាក់ប្រុស៤៤នាក់និងថ្នាំញៀនរួមទាំងម៉ូតូរថយន្តមួយចំនួនទៀត។ក្នុងនោះគេសង្កេតឃើញមានជនជាតិខ្មែរមួយចំនួននិងជនជាតិចិនមួយចំនួន។ចំពោះករណីនេះសមត្ថកិច្ចនៅស្រាវស្រាវនិងពិនិត្យរាប់ថ្នាំញៀនបន្តទៀតនៅថ្ងៃបន្ទាប់។
បច្ចុប្បន្នជនសង្ស័យរួមទាំងវត្ថុតាំងត្រូវបានបញ្ជូនតាមរថយន្តក្រុងទៅស្នងការរាជធានីភ្នំពេញចាត់ការណ៍តាមនីតិវិធី៕សហការី
