ភ្នំពេញៈទំនប់អាងទឹកបាសាក់ស្ថិតក្នុងឃុំបាសាក់ស្រុករុក្ខគិរីខេត្តបាត់ដំបងដែលមានសមត្ថភាពស្តុកទឹកបានប្រមាណជា២០លានម៉ែត្រគូបបានបាក់ដាច់ចំនួន២កន្លែងនិងហូរច្រោះដាច់ទំនប់មួយកន្លែង ក្រុមការងារត្រៀមគ្រឿងចក្រចាំទប់រក្សាទឹកទុកវិញពេលល្បឿនទឹកហូរចុះខ្សោយ។
លោកចាន់យុត្ថាអ្នកនាំពាក្យនិងជារដ្ឋលេខាធិការក្រសួងធនធានទឹកនិងឧតុនិយមទទួលមុខព្រួញខេត្តបាត់ដំបងបានប្រាប់ឱ្យដឹងនៅថ្ងៃទី៩ខែតុលាថាៈទំនប់បាសាក់បាច់ដោយសារទឹកធ្លាក់មកពីតំបន់ភ្នំខ្លាំងបន្ទាប់ពីមានភ្លៀងធ្លាក់ច្រើន។អ្នកនាំពាក្យរូបនេះបានបញ្ជាក់ពីកន្លែងកើតហេតុមកថាទឹកបានហូរធ្លាក់មកពីភ្នំយ៉ាងគំហុកនៅពេលជិតភ្លឺថ្ងៃនេះធ្វើឱ្យអាងទឹកដែលមិនទំនប់បង្ហារនិងមានតែទ្វារទឹកបិទបើកដោយស្វ័យប្រវត្តិនេះដាច់ចំនួន២កន្លែងប្រវែងងជាង៣០ម៉ែត្រ។
លោកចាន់យុត្ថាដែលកំពុងនៅជាមួយលោកឡុងផល្គុណប្រធានមន្ទីរធនធានទឹកនិងឧតុនិយមខេត្តបាត់ដំបងបាននិយាយឱ្យដឹងទៀតថាក្រុមការងារបានត្រៀមគ្រឿងចក្ររួចហើយដើម្បីទប់ទំនប់ដែលបាក់នេះឡើងវិញពេលល្បឿនទឹកហូរខ្សោយបន្តិច៕សហការី
