សៀមរាប:លោក ទៀ សីហា អភិបាល ខេត្តសៀមរាបកាលពីរសៀលថ្ងៃទី១៨ ខែសីហា ឆ្នាំ២០២០ បានចាត់មន្ត្រីនិងសមាជិកសហភាពសហព័ន្ធយុវជនកម្ពុជាខេត្តចុះចែករបាំងប្លាស្ទិកចំនួន២.៥០០របាំង ជូនដល់បងប្អូនអាជីវករក្នុងក្រុងសៀមរាបដោយឥតគិតថ្លៃ។
លោកទៀសីហាអភិបាលខេត្តក៏បានផ្សព្វផ្សាយនិងជំរុញដល់ប្រតិបត្តិករទេសចរដែលបានធ្វើបដិសណ្ឋារកិច្ចភ្ញៀវទេសចរលើគ្រប់សេវាកម្មក្នុងខេត្តអនុវត្តវិធានសុវត្ថិភាពទេសចរណ៍ប្រយុទ្ធនិងទប់ស្កាត់ជំងឺកូវីដ១៩បានចំនួនពីរលើកមកហើយ។លោកបានបន្តថាៈជាមួយនឹងចុះចែកនេះបងប្អូនអាជីវករក៏បានផ្តាំផ្ញើសូមថ្លែងអំណរគុណយ៉ាងជ្រាលជ្រៅចំពោះការគិតគូរបស់ថ្នាក់ដឹកនាំ។ជាពិសេសលោកទៀសីហាដែលតែងតែគិតគូពីសុខភាពក៏ដូចជាជីវភាពប្រជាពលរដ្ឋក្នុងខេត្តផងដែរ។
លោកក៏បានបន្តថាៈរដ្ឋបាលខេត្តក៏ដូចជាក្រុមការងារសូមស្នើដល់បងប្អូនដែលអញ្ជើញចូលរួមទាំងអស់បន្តសហការជាមួយក្រុមការងារក៏ដូចជាចូលរួមអនុវត្តតាមគោលការណែនាំរបស់ក្រសួងសុខាភិបាល។ជាមួយនោះសូមកុំភ្លេចនិងត្រូវចងចាំនូវ៣ចំណុចដូចខាងក្រោមដើម្បីការពារនិងចូលរួមទប់ស្កាត់ជំងឺកូវីដ១៩៖១.កុំភ្លេចត្រៀមម៉ាស់ឬក្រម៉ា។២.កុំភ្លេចជែលឬអាល់កុលលាងដៃ(យើងបានត្រៀមសាប៊ូលាងដៃជូននៅតាមទីសាធារណផងដែរ)។៣.កុំភ្លេចរក្សាគម្លាតសុវត្ថិភាពសង្គម(ចូលរួមការពារការរាលត្បាតនៃជំងឺកូវីដ-១៩)៕
