(ភ្នំពេញ) នាព្រឹកថ្ងៃព្រហស្បត៍ ៣រោច ខែផល្គុន ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី០៩ ខែមីនា ឆ្នាំ២០២៣ អនុវត្តតាមការដឹកនាំរបស់លោក ឯក ឃុនដឿន អភិបាលនៃគណៈអភិបាលខណ្ឌឫស្សីកែវ ក្រុមការងាររដ្ឋបាលខណ្ឌឫស្សីកែវ ដឹកនាំដោយលោក ឌន ដាវុឌ នាយករងរដ្ឋបាលខណ្ឌ បានដឹកនាំកម្លាំងចម្រុះ ចុះបិទទីតាំងអាជីវកម្មឆ្នោតឡូតូខុសច្បាប់ ១កន្លែង ស្ថិតនៅផ្ទះលេខ១៧៦៤ ផ្លូវជាតិលេខ៥ ភូមិខ១ សង្កាត់ច្រាំងចំរេះទី២ ខណ្ឌឫស្សីកែវ រាជធានីភ្នំពេញ ជ្រកក្រោមស្លាកយីហោហាងកាហ្វេ(៩៩៩ គីឡូម៉ែត្រលេខ៧) ដែលមានឈ្មោះ សូត្រ ពិសី ភេទស្រី ជាតំណាង។ ក្រុមការងាររដ្ឋបាលខណ្ឌបានសម្រេចដកហូតវុត្ថុតាងកុំព្យូទ័រ១គ្រឿងយកទៅរក្សាទុកនៅអធិការដ្ឋាននគរបាលខណ្ឌឫស្សីកែវ និងបានប្រគល់ជនសង្ស័យខាងលើជូនអធិការដ្ឋាននគរបាលខណ្ឌឫស្សីកែវ ដេីម្បីចាត់ការបន្តទៅតាមនីតិវិធីច្បាប់ជាធរមាន។
