បាត់ដំបងៈកម្លាំង នគរបាលព្រហ្មទណ្ឌកម្រិតស្រាលខេត្ត កាលពីព្រឹក ថ្ងៃទី៣ ខែតុលា ឆ្នាំ២០២០ បានបញ្ជូនជនសង្ស័យម្នាក់ ទៅតុលាការ ពីបទលួចផ្ទាំងសូឡា និងអំពូលភ្លើង ដាក់បំភ្លឺតាមដងផ្លូវ នៅចំណុចមុខឡសម្ងួត (សៃឡូ) សុកកានយ៉ា ស្ថិតក្នុងភូមិភ្នំតូច ឃុំពេជ្រចិន្តា ស្រុកភ្នំព្រឹក។ ក្រោយពេលនគរបាលស្រុកភ្នំព្រឹក ឃាត់ខ្លួនបាន នៅថ្ងៃទី២ តុលា ព្រមទាំងដកហូតបាន វត្ថុតាងមួយចំនួនចំនួន ។
មន្ត្រីនគរបាល ស្រុកភ្នំព្រឹកបានឱ្យដឹងថាៈ ជនសង្ស័យ មានឈ្មោះ ហៃ បុល ភេទប្រុស អាយុ២៤ឆ្នាំរស់នៅភូមិភ្នំតូច ឃុំពេជ្រចិន្តា ស្រុកភ្នំព្រឹក ខេត្តបាត់ដំបង។ ចំណែកវត្ថុតាង ដែលដកហូតបាន មានផ្ទាំងសូឡា និងអំពូលភ្លើង ២ ។
ករណីលួចផ្ទាំងសូឡា និងអំពូលភ្លើងនេះ កើតឡើងតាំងពីម៉ោង ៤ ទៀបភ្លឺ ថ្ងៃទី១៧ ខែកញ្ញា ឆ្នាំ២០២០ មកម្ល៉េះ ហើយកម្លាំងជំនាញ បានស្រាវជ្រាវ រហូតឈានដល់ការចាប់ខ្លួនបាន នៅថ្ងៃទី២ ខែតុលា ឆ្នាំ២០២០ ត្រង់ចំណុចភូមិភ្នំតូច ឃុំពេជ្រចិន្តា ស្រុកភ្នំព្រឹក ខេត្តបាត់ដំបង។ ជនសង្ស័យ និងវត្ថុតាង បានត្រូវកម្លាំងជំនាញ កសាងសំណុំរឿង បញ្ជូនទៅសាលាដំបូងខេត្ត ដើម្បីចាត់ការ តាមនីតិវិធីច្បាប់ ៕សហការី
