ភ្នំពេញ៖គ្រោះថ្នាក់ចរាចរណ៍ដ៏រន្ធត់មួយបង្កពីរថយន្តព្រូសដោយតៃកុងប្រើល្បឿនលឿនទៅបុកមនុស្សបណ្ដាលឱ្យស្លាប់ម្នាក់និរបួសធ្ងន់៤នាក់រួចបុកផ្ទប់ជាប់បង្គោលភ្លើងតែម្តង។
ហេតុការណ៍នេះបានកើតឡើងនៅតាមផ្លូវជាតិលេខ៣ ភូមិទឹកថ្លា សង្កាត់ក្រាំងពង្រ ខណ្ឌដង្កោ កាលពីល្ងាចថ្ងៃទី២៦ ខែធ្នូ។ សមត្ថកិច្ចបានឱ្យដឹងថា អ្នកបើកបររថយន្តឈ្មោះ ថេង វណ្ណវា អាយុ៣៤ឆ្នាំជាមន្រ្តីជាប់កិច្ចសន្យា អនុរដ្ឋលេខាធិការ ស្នាក់នៅភូមិទ្រុងមាន់ សង្កាត់អូបែកក្អម ខណ្ឌសែនសុខ របួសស្រាលត្រូវបានសមត្ថកិច្ចឃាត់ខ្លួន។
មុនកើតហេតុ រថយន្តម៉ាកព្រូសផ្លាកលេខ ភ្នំពេញ 2BD-6574 មានអ្នករួមដំណើរ៤នាក់បើក តាមផ្លូវជាតិលេខ៣ ពីត្បូងទៅជើង។មកដល់កន្លែងខាងលើរថយន្តបានរេចង្កូតបុកបុរសម្នាក់ស្លាប់និងប្រុសស្រី៤នាក់រងរបួសធ្ងន់ហើយរថយន្តជ្រុលបុកផ្ទប់បង្គោលភ្លើងនៅចិញ្ចើមផ្លូវបណ្តាលឱ្យខូចខាតយ៉ាងដំណំ។
ក្រោយកើតហេតុសមត្ថកិច្ចជំនាញបានចុះពិនិត្យរួចស្ទូចយករថយន្តបង្កទៅរក្សាទុកនៅការិយាល័យគរបាលចរាចរណ៍នរាជធានីភ្នំពេញដើម្បីចាត់ការតាមនីតិវិធី៕
