បាត់ដំបង៖កាលពីថ្ងៃ អាទិត្យ៤កេីតខែបុស្សឆ្នាំខាលចត្វាស័កព.ស.២៥៦៦ត្រូវនឹងថ្ងៃទី២៥ខែ ធ្នូ ឆ្នាំ ២០២២ វេលាម៉ោង២២និង២០នាទី ចំណុចក្រុមទី៧ ភូមិកន្សៃបន្ទាយ ឃុំមោង ស្រុកមោង ឫស្សី ខេត្តបាត់ដំបង មានករណីលួច (ដែកបំពង់ទីប) មួយបានកើតឡើងដែលករណីនេះ បង្កដោយជនសង្ស័យមិនស្គាល់ឈ្មោះ បានធ្វេីសកម្មភាពលួចយកដែកបំពង់ទីបរបស់ក្រុមហ៊ុនធ្វើផ្លូវជាតិលេខ៥ អស់ចំនួន១១ដើម ដែលក្នុង០១ដើមប្រវែង០២ម៉ែត្រ(ក្រុមហ៊ុនTEKKEN)ដែលផ្ញើទុកនៅផ្ទះរបស់ឈ្មោះ ស្រី ពេជ្រ ភេទប្រុស អាយុ៦៣ ឆ្នាំ ទីលំនៅចំណុចកើតហេតុខាងលេី ដែលមានតំណាងម្ចាស់ក្រុមហ៊ុនធ្វើផ្លូវឈ្មោះ គួយ សាន់នី ភេទប្រុស អាយុ២៣ឆ្នាំ រស់នៅភូមិរាមគន់ ឃុំគារ ស្រុកមោងឫស្សី ខេត្តបាត់ដំបង ។
នៅពេលដឹងថាបាត់ ជនរងគ្រោះជាតំណាងក្រុមហ៊ុនបានប្តឹងចូលមកសមត្ថកិច្ចនគរបាលស្រុក ហេីយអនុវត្ត តាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ក៏ដូចយោបល់របស់លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ឯក ស គឹមឡុង អធិការនគរបាលស្រុកមោងឫស្សី បានដឹកនាំកម្លាំងជំនាញនិងប៉ុស្តិ៍នគរបាលរដ្ឋាបាលមោងចុះធ្វេីការស្រាវជ្រាវរហូតឃាត់ខ្លួនជនសង្ស័យបានចំនួន០១នាក់ ឈ្មោះ ពៅ ចំរើន ភេទប្រុស អាយុ៣៩ឆ្នាំ នៅថ្ងៃទី២៦ ខែ ធ្នូ ឆ្នាំ ២០២២ វេលាម៉ោង៨និង០០នាទីព្រឹកនៅចំណុចក្រុមទី៧ ភូមិកន្សៃបន្ទាយ ឃុំមោង ស្រុកមោងឫស្សី រួចបញ្ជូនមកទៅកាន់អធិការដ្ឋាននគរបាលស្រុកមោងឫស្សីដេីម្បីធ្វេីការសាកសួរ ។
វត្ថុតាងដកហូតបានរួមមាន៖
-ដែកបំពង់ទីបចំនួន ១១ដេីម
បច្ចុប្បន្នជនសង្ស័យត្រូវបានឃាត់ខ្លួនជាបណ្តោះអាសន្ននៅអធិការដ្ឋាននគរបាលស្រុកមោងឫស្សី ដើម្បីកសាងសំណុំរឿងបញ្ជូនមកផែនជំនាញ អនុវត្តបន្តតាមនីតិវិធី ច្បាប់ រីឯដែកបំពង់ទីបបានធ្វេីការប្រគល់ជូន ទៅក្រុមហ៊ុនវិញ៕
