កំពង់ស្ពឺ:បុរសម្នាក់បើករថយន្តលឿនក្នុងស្ថានភាពស្រវឹងបណ្តាលឱ្យធ្លាក់ផ្លូវក្រឡាប់និងរងរបួសធ្ងន់។ហេតុការណ៍នេះបានកើតឡើងនៅលើផ្លូជាតិលេខ៤៤ចន្លោះគីឡូម៉ែត្រលេខ១៤.១៥ស្ថិតក្នុងភូមិអូរគគីរ ឃុំតាំងក្រូច ស្រុកសំរោងទង ខេត្តកំពង់ស្ពឺ កាលពីរសៀលថ្ងៃទី២៦ ខែកញ្ញា ឆ្នាំ២០២០។
សាក្សីបានឱ្យដឹងថាមុនកើតហេតុមានបុរសម្នាក់ឈ្មោះធាអាយុប្រហែលជាង៣០ឆ្នាំរស់នៅភូមិឃុំកើតហេតុបើករថយន្តម៉ាកហីយ៉ាន់ដាយពណ៌សអត់ស្លាកលេខ(ប្រភេទបែនដឹកដី)ក្នុងល្បឿនលឿនដោយស្ថានភាពស្រវឹង។លុះបើកមកដល់ចំណុចខាងលើក៏បានបុកបង្គោលចំណាំងផ្លាតអស់ចំនួន៣ដើមរួចក្រឡាប់ធ្លាក់ផ្លូវបណ្តាលឱ្យអ្នកបើករថយន្តរងរបួសធ្ងន់៕