កំពង់ឆ្នាំង៖រដ្ឋបាលខេត្តកំពង់ឆ្នាំងកាលពីព្រឹកថ្ងៃទី២៦ខែកញ្ញាឆ្នាំ២០២០បានរៀបចំពិធីក្រុងពាលីសាងសង់សួនច្បារនិងរូបសំណាកឆ្នាំងនៅតាមផ្លូវជាតិលេខ៥ត្រង់ចំណុចផ្លូវបំបែកវាងទីប្រជុំជនខេត្តស្ថិតក្នុងភូមិសាស្ត្រ ឃុំជ្រៃបាក់ស្រុករលាប្អៀរខេត្តកំពង់ឆ្នាំង ។
ពិធីនេះ បានប្រព្រឹត្តទៅ ក្រោមអធិបតីភាពលោក ឈួរ ច័ន្ទឌឿន អភិបាលខេត្តកំពង់ឆ្នាំង និងលោកស្រី។លោក ឈឹម ផល្លា ប្រធាននាយកដ្ខាន គម្រោងផ្លូវថ្នល់ និងជាតំណាងលោក តូច ចាន់កុសល រដ្ឋលេខាធិការ ប្រចាំការ ក្រសួងសាធារណការ និងដឹកជញ្ជូន។លោកអភិបាលរងខេត្ត សមាជិកក្រុមប្រឹក្សាខេត្ត ថ្នាក់ដឹកនាំមន្ទីរ អង្គភាព តំណាងក្រុមហ៊ុន និងវិស្វករជប៉ុន ថ្នាក់ដឹកនាំស្រុក និងអាជ្ញាធរមូលដ្ឋាន ជាច្រើននាក់ ។
ក្នុងឱកាសនោះ លោ ឈួ ច័ន្ទឌឿន បានថ្លែងថាៈ ការស្ថាបនារូបសំណាកឆ្នាំង ដែលគ្រោងសាងសង់ មានកម្ពស់ ១៤ ម៉ែត្រ រួមទាំងជើងទម្ររំលេចដោយក្បូរក្បាច់រចនា តាមក្បួនខ្នាតស្ថាបត្យកម្ម ត្រឹមត្រូវ និងមានសួនច្បារ ព័ទ្ធជុំវិញ ។នេះក៏ជារូបសំណាកទី២ នៅតាមដងផ្លូវជាតិលេខ៥ បន្ទាប់ពីរូបសំណាក ព្រះគោ ព្រះកែវ នៅព្រំប្រទល់ខេត្តកំពង់ស្ពឺ និងខេត្តកំពង់ឆ្នាំង ។
លោកបានមានប្រសាសន៍បន្តថាៈ ការសាងសង់រូបឆ្នាំង ដើម្បីជាតំណាងសម្គាល់ ពីនិមិត្តរូបសម្រាប់ខេត្ត ដែលជាស្នាដៃខ្មែរ បន្សល់ទុកតាំងពី យូរលង់ណាស់មកហើយ និងកែលម្អសោភ័ណភាព តាមដងផ្លូវជាតិលេខ៥ ដើម្បីទាក់ទាញភ្ញៀវទេសចរ ដែលធ្វើដំណើរឆ្លងកាត់ ខេត្តកំពង់ឆ្នាំង ទៅខេត្តផ្សេងទៀត ៕
