បាត់ដំបង៖ នៅថ្ងៃអង្គារ ១២រោច ខែមិគសិរ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី ២០ ខែធ្នូឆ្នាំ២០២២ វេលាម៉ោង ១៤និង០០នាទីនៅសាលប្រជុំធំក្នុងបរិវេណស្នងការដ្ឋាននគរបាល ខេត្តបាត់ដំបង ដោយបានការអនុញ្ញាតិពីលោក ឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង លោកឧត្តមសេនីយ៍ត្រី កុយ ហៀង ស្នងការរង ផែនការងារប្រឆាំងគ្រឿងញៀន បានដឹកនាំកិច្ចប្រជុំផ្សព្វផ្សាយពាក់ព័ន្ធការងារសម្អាតប្រាក់ ដែលក្នុងកិច្ចប្រជុំនេះមានការចូលរួមពីលោកលោកស្រី ជាស្នងការរងក្នុងផែនពាក់ព័ន្ធ លោកអធិការ អធិការរងនគរបាលក្រុង ស្រុក និងនាយផ្នែកពាក់ព័ន្ធជាច្រើនរូបទៀត ។
ខ្លឹមសារក្នុងកិច្ចប្រជុំនេះគឺផ្តោតសំខាន់លើការងារសម្អាតប្រាក់ ពាក់ព័ន្ធបទល្មើស និងត្រូវស្វែងយល់ពីនីតិវិធី ក្នុងការកសាងសំណុំរឿង ដែលពាក់ព័ន្ធដល់បទល្មើសសម្អាតប្រាក់នេះ៕