មណ្ឌលគិរី៖នគរបាលខេត្តមណ្ឌលគិរីបានចាប់ជនសង្ស័យចំនួន៩នាក់ករណីគ្រឿងញៀនជាមួយវត្ថុតាងនិងសម្ភារពាក់ព័ន្ធបទល្មើសមួយចំនួននិងនាំទៅតុលាការចាត់ការតាម្បាប់។
សមត្ថកិច្ចបានឱ្យដឹងថា កម្លាំងជំនាញបានបង្ក្រាបករណីគ្រឿងញៀននៅត្រង់អូរទេខាងក្រោយចម្ការកៅស៊ូក្រុមហ៊ុនឌីធីស៊ីក្នុងភូមិចុងផាង ឃុំពូជ្រៃ ស្រុកពេជ្រាដា ខេត្តមណ្ឌលគិរី កាលពីរសៀលថ្ងៃទី១៦ ខែវិច្ឆិកា។ក្នុងនោះក៏បានចាប់ជនសង្ស័យចំនួន៩នាក់និងមានផ្ទុកសារធាតុញៀន។
វត្ថុតាងនិងសម្ភារដែលដកហូតមាន-ម្សៅក្រាមសថ្លាសង្ស័យជាសារធាតុញៀន៨កញ្ជប់-អាវុធកែច្នៃប្រើហ្គាសបាញ់គ្រាប់ឃ្លីដែក១ដើម-គ្រាប់ឃ្លីដែក១៤គ្រាប់-ទូរស្ទព៦គ្រឿង-ម៉ូតូ៥គ្រឿង-កន្ត្រៃ១-សម្ភារកែច្នៃសម្រាប់ជក់មួយចំនួន។ក្រោយពីស្រាវជ្រាវនិងសាកសួររួចនៅថ្ងៃទី១៨ ខែវិច្ឆិកាកម្លាំងជំនាញប្រឆាំងគ្រឿងញៀនបានកសាងសំណុំរឿងបញ្ជូនជនសង្ស័យទាំង៩នាក់ទៅតុលាការដើម្បីចាត់ការតាមនីតិវិធី៕
