កំពង់ស្ពឺ៖កាលពីរសៀលថ្ងៃទី១៤ខែកញ្ញាឆ្នាំ២០២០មានរថយន្ដម៉ាកFUSOពណ៌ខៀវពាក់ស្លាកលេខតាកែវ3A0504របស់ក្រុមហ៊ុនដឹកជញ្ជូនL.M.Hបើកចូលខ្លោងទ្វារវត្តគន្ធបុប្ផារាមហៅវត្តអូរគគីរ ខេត្តកំពង់ស្ពឺហើយបានបុកបណ្តាលឱ្យបាក់ដួលខូចខាត។ករណីនេះបានកើតឡើងនៅចំណុចភូមិបៀតសូរ ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ។
សមត្ថកិច្ចបានឱ្យដឹងថាៈអ្នកបើកបរដោយឈ្មោះចឹកអ៊ីនភេទប្រុសអាយុ២៥ឆ្នាំ។រថយន្តបើកមកដល់ចំណុចផ្លូវចូលខ្លោងទ្វារវត្តគន្ធបុប្ផារាមហៅវត្តអូរគគីបានបើកឆ្លងកាត់ស្រាប់តែតៃកុងឡានស្មានកម្ពស់ផ្ទុកទំនិញមិនត្រូវ ក៏បណ្ដាលឱ្យបុកខ្លោងទ្វារវត្ដឱ្យបាក់តែម្ដង ។
បញ្ហានេះសមត្ថកិច្ចជំនាញបានជួយអន្ដរាគមន៍និងបានយករថយន្ដមួយគ្រឿងនេះទៅកាន់អធិការដ្ឋាននគរបាលស្រុកសំរោងទង ដើម្បីដោះស្រាយតាមនីតិវិធី ៕
