ព្រះសីហនុ៖ កម្លាំងនៃមន្ទីរស្រាវជ្រាវ និងបង្ក្រាបបទល្មើសគ្រឿងញៀនកងរាជអាវុធហត្ថ ខេត្តព្រះសីហនុ បានកសាងសំណុំរឿង បញ្ជូនខ្លួនជនសង្ស័យ ពីរនាក់ ពាក់ព័ន្ធករណីជួញដូរ និងប្រើប្រាស់នូវសារធាតុញៀន ទៅតុលាការដើម្បីចាត់ការ តាមនីតិវិធីច្បាប់កាលពីរសៀល ថ្ងៃទី៩ ខែកញ្ញា ឆ្នាំ២០២០។
មន្ត្រីកងរាជអាវុធហត្ថ ខេត្តព្រះសីហនុ បានឱ្យដឹងថាៈ ជនសង្ស័យ ចំនួនពីរនាក់ នោះមាន ៖ ឈ្មោះ កង វាសនា ភេទប្រុស អាយុ២៦ឆ្នាំ ជនជាតិខ្មែរ មុខរបរ បកប្រែភាសាចិន ស្នាក់នៅរោងចក្រ ឥដ្ឋការ៉ូ ភូមិអូរត្រាវ ឃុំអណ្តូងថ្ម,។ឈ្មោះ សុះ រី ភេទប្រុស អាយុ២០ឆ្នាំ ជនជាតិខ្មែរអ៊ិស្លាម មុខរបរ នេសាទ ស្នាក់នៅភូមិបន្ទាយប្រិយ៍ ឃុំអណ្តូងថ្ម ស្រុកព្រៃនប់ ខេត្តព្រះសីហនុ។
នៅពេលឃាត់ខ្លួន ជនសង្ស័យពីរនាក់នេះ សមត្ថកិច្ច បានដកហូតវត្ថុតាងមាន ម្សៅសថ្លា ចំនួន៤កញ្ចប់, ទូរស័ព្ទដៃ ចំនួន១គ្រឿង, នាឡិកាដៃ ១គ្រឿង, ពិលឆ្លុះ ១ និង ដែកកេះ ១ ៕
