តាកែវ៖ជនរងគ្រោះបីនាក់បានស្លាប់ភ្លាមៗនិងមានម្នាក់បានរងរបួសធ្ងន់ក្នុងហេតុការណ៍គ្រោះថ្នាក់ចរាចររវាងម៉ូតូបុកជាមួយម៉ូតូក្នុងទិសដៅផ្ទុយគ្នា។ហេតុការណ៍នេះបានកើតឡើងនៅលើផ្លូវលេខ១២៩ត្រង់ចន្លោះគីឡូម៉ែត្រលេខ២៥និង២៦ស្ថិតនៅភូមិព្រៃល្វាកើតឃុំព្រៃល្វាស្រុកព្រៃកប្បាសខេត្តតាកែវកាលពីរសៀលថ្ងៃទី៣ ខែកញ្ញាឆ្នាំ២០២០។
សមត្ថកិច្ចនគរបាល ស្រុកព្រៃកប្បាស បានឱ្យដឹងថាៈ ម៉ូតូជនរងគ្រោះទី១ ម៉ាកហុងដា វ៉េវ ពណ៌ទឹកប៊ិក ពាក់ស្លាកលេខ ព្រៃវែង 1A 8233 បើកបរដោយឈ្មោះ តែម នាង ភេទប្រុស អាយុ ៣០ ឆ្នាំ រស់នៅភូមិព្រៃព្រំ ឃុំព្រៃកប្បាស ស្រុកព្រៃកប្បាស ខេត្តតាកែវ បានស្លាប់នៅកន្លែងកើតហេតុ ។អ្នករួមដំណើរម្នាក់ ឈ្មោះ ចឹម ជីវ័ន្ត ភេទប្រុស អាយុ៦ឆ្នាំ រងរបួសធ្ងន់ និងបានស្លាប់ នៅពេលបញ្ជូន ទៅមន្ទីរពេទ្យ។
ដោយឡែក ភាគីម្ខាងទៀត ម៉ូតូម៉ាក ភីស៊ីអិច (PCX) បើកបរដោយឈ្មោះ អ៊ឹម ស្រីពៅ ភេទស្រី អាយុ២២ឆ្មាំ រស់នៅភូមិតាមួង ឃុំរំចង់ ស្រុកសំរោង ខេត្តតាកែវ បានស្លាប់នៅកន្លែងកើតហេតុ និងអ្នករួមដំណើរម្នាក់ ឈ្មោះ ប៊ុន សូណាត ភេទស្រី អាយុ២៦ឆ្នាំ រស់នៅភូមិថ្នល់បែកសង្កាត់រកាក្រៅ ក្រុងដូនកែវ ខេត្តតាកែវ រងរបួសធ្ងន់៕