កណ្ដាលៈអំពើឃាតកម្មមានស្ថានទំម្ងន់ទោសដោយចាក់នឹងកាំបិតកាលពីយប់ថ្ងៃទី៣ខែកញ្ញាឆ្នាំ២០២០នៅលើចិញ្ចើមផ្លូវ៤ភូមិព្រៃរកាឃុំឆក់ឈើនាងស្រុកអង្គស្នួលខេត្តកណ្តាល។ស្ត្រីរងគ្រោះត្រូវជាប្រពន្ធឈ្មោះសុខផល្លីភេទស្រីអាយុ២៧ឆ្នាំជនជាតិខ្មែរកម្មករស្នាក់នៅភូមិត្រពាំងពើកឃុំពើកស្រុកអង្គស្នួលខេត្តកណ្តាលស្លាប់នៅកន្លែងកើតហេតុដោយសារប្ដីចាក់។
ជនសង្ស័យជាប្ដីអារកប៉ងសម្លាប់ខ្លួនឯងរបួសធ្ងន់បញ្ជូនទៅពេទ្យលោកសង្ឃបច្ចុប្បន្នបញ្ជូនបន្តទៅពេទ្យកាល់ម៉ែតមានឈ្មោះគួធន់អាយុ២៩ឆ្នាំជនជាតិខ្មែរកម្មករស្នាក់នៅភូមិត្រពាំងខ្នាឃុំឆក់ឈើនាងស្រុកអង្គស្នួលខេត្តកណ្តាល។ធ្វើសកម្មភាពចាក់និងអាករសម្លាប់ខ្លួនឯងនៅកន្លែងកើតហេតុចាក់ដោយកាំបិតប៉ុន្តែមិនស្លាប់បញ្ជូនទៅសង្គ្រោះបន្ទាន់។
មូលហេតុដោយសារភ្លើងប្រចណ្ឌអ្នកទាំងពីរមានកូន២នាក់ប្រុសម្នាក់ស្រីម្នាក់ទើបលែងលះគ្នា។សមត្ថកិច្ចដកហូតវត្ថុតាងកូនកាំបិតចុងស្រួចមួយដែលបន្សល់ទុកនៅកន្លែងកើតហេតុ៕
