កណ្ដាល:គ្រោះថ្នាក់ចរាចរណ៍រវាងរថយន្តដឹកពាងបានបើកបុកជាមួយរថយន្តដឹកកម្មកររោងចក្រ 7NGបណ្តាលឱ្យរងរបួសធ្ងន់ម្នាក់ខូចខាតរថយន្តទាំងសងខាង។ហេតុការណ៍នេះបានកើតឡើងនៅលើកំណាត់ផ្លូវជាតិលេខ៨Aស្ថិតក្នុងភូមិព្រៃបាំងឃុំស៊ីធរស្រុកខ្សាច់កណ្តាលខេត្តកណ្តាលកាលពីរសៀលថ្ងៃទី៣ ខែកញ្ញា ឆ្នាំ២០២០ ។
សាក្សីឃើញហេតុការណ៍បានឱ្យដឹងថាមុនពេលកើតហេតុមានរថយន្តកូរ៉េពាក់ស្លាកលេខភ្នំពេញ2I0474ដឹកពាងបើកបរតាមបណ្តោយផ្លូវជាតិលេខ៨Aម្ចាស់មិនទាន់ស្គាល់ឈ្មោះទេ។លុះមកដល់ចំណុចកើតហេតុ បាន បុកជាមួយរថយន្តដឹកកម្មកររោងចក្រ 7NG ពាក់ស្លាកលេខ ភ្នំពេញ 3A-6378 អ្នកបើកបរក៏នៅមិនទាន់ស្គាល់ឈ្មោះ។បណ្តាលឱ្យរងរបួសធ្ងន់ម្នាក់ប៉ុន្តែសមត្ថកិច្ចមិនទាន់បញ្ជាក់ថាមានឈ្មោះអ្វីនៅឡើយ៕
