ព្រះវិហារ៖ខណ្ឌរដ្ឋបាលព្រៃឈើព្រះវិហារកាលពីព្រឹកថ្ងៃទី២ ខែកញ្ញា ឆ្នាំ២០២០ បានសហការជាមួយមជ្ឈមណ្ឌលសម្រាប់មនុស្សនិងព្រៃឈើ(RECOFTC)និងគណៈកម្មការបណ្តាញសហគមន៍ព្រៃឈើ។បានរៀបចំកិច្ចប្រជុំស្តីពីការបូកសរុបរបាយការណ៍របស់គណៈកម្មការសម្របសម្រួលកម្មវិធីសហគមន៍ព្រៃឈើថ្នាក់ខេត្ត។
កិច្ចប្រជុំក្នុងគោលបំណងធ្វើឱ្យមានកិច្ចសហការជាមួយអង្គការជាដៃគូក្នុងការពិគ្រោះយោបល់ស្វែងរកភាពប្រឈម ដំណោះស្រាយផ្លាស់ប្តូរបទពិសោធន៍ ពង្រឹងអភិបាលកិច្ច និងផ្តល់អនុសាសន៍ ដើម្បីធ្វើឱ្យប្រសើរឡើងនូវការអនុវត្តន៍ការងារសហគមន៍ព្រៃឈើនៅមូលដ្ឋាន។ដើម្បីឆ្លើយតបនឹងកម្មវិធីព្រៃឈើជាតិ។
ពិធីនេះក្រោមវត្តមានលោកស៊ូសិរីអភិបាលរងខេត្តព្រះវិហារមានការចូលរួមពីលោកប្រធានមន្ទីរកសិកម្មមន្ត្រីរដ្ឋបាលព្រៃឈើមូលដ្ឋាន-សង្កាត់-ផ្នែក-ខណ្ឌថ្នាក់ដឹកនាំស្រុកអាជ្ញាធរភូមិ/ឃុំនិងប្រធានសហគមន៍ព្រៃឈើ.។
ខេត្តព្រះវិហារបង្កើតសហគមន៍ព្រៃឈើបានចំនួន ៤៧កន្លែង គ្របដណ្តប់លើផ្ទៃដីព្រៃឈើ ៧២.០៤០ ហិកតា ស្ថិតក្នុង ៤៩ភូមិ ២១ឃុំ និង០៦ស្រុក(ស្រុកឆែប ស្រុកជ័យសែន ស្រុករវៀង ស្រុកសង្គមថ្មី ស្រុកគូលែននិងស្រុកជាំក្សន្ត)។មានសមាជិកសរុប៨.៦៥១គ្រួសារស្មើនឹង៣១.៩៥៥នាក់(ស្ត្រី១៦.៣៩១នាក់)។
កិច្ចប្រជុំបានការគាំទ្រ ពីកម្មវិធីដៃគូលើវិស័យព្រៃឈើនិងជលផល ជំហានទី២(PaFF2) អនុវត្តដោយមជ្ឈមណ្ឌលមនុស្សនិងព្រៃឈើ(Recoftc)និងអង្កការផ្លាស់ប្តូរបទពិសោធន៍អនុផលព្រៃឈើ NTFP-EP ក្រោមជំនួយ SDC.៕
