ភ្នំពេញ៖រថយន្តធំដឹកទំនិញបានបើកកៀររថយន្តលុចស៊ីស៥៧០ហើយព្យាយាមបើករត់។តែត្រូវរថយន្តលុចស៊ីសដេញតាមក៏បន្តបើកកៀររថយន្តលុចស៊ីសនោះទៀតទាល់តែឡើងលើសួននិងបុកស្លាកប៉ាន់ណូបាក់អស់មួយដើម។រថយន្តលុចស៊ីស៥៧០រងការខូចខាតយ៉ាងដំណំ។ហេតុការណ៍នេះកើតឡើងនៅតាមបណ្តោយមហាវិថីឈ្នះៗភូមិជម្ពូវ័ន្តសង្កាត់ចោមចៅទី៣ខណ្ឌពោធិ៍សែនជ័យកាលពីរសៀលថ្ងៃសៅរ៍ទី២៩ខែសីហាឆ្នាំ២០២០។
ប្រភពបានឱ្យដឹងថាៈរថយន្តដឹកទំនិញធុនធំមួយគ្រឿងពាក់ស្លាកលេខកំពង់ធំ3A0976បើកតាមផ្លូវជាតិលេខ៤ស្រាប់តែបើកកៀររថយន្តលុចស៊ីស៥៧០ពណ៌សស៊េរីទំនើបពាក់ស្លាកលេខភ្នំពេញ2AQ3388។មិនព្រមឈប់ក៏បន្តដំណើរទៅមុខទៀត។ក្រោយពេលកើតហេតុភាគីខាងរថយន្តលុចស៊ីស៥៧០ម្នាក់ជាតៃកុងរថយន្តនោះរងរបួសជើងទៅមន្ទីពេទ្យ។
សមត្ថកិច្ចជំនាញក៏បានចុះមកដល់ទីតាំងកើតហេតុវាស់វែងយករថយន្តទាំង២គ្រឿងយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញដើម្បីរង់ចាំដោះស្រាយទៅតាមនីតិវិធីច្បាប់ ៕
