ក្មេងប្រុសជិះម៉ូតូដួលធ្លាក់ចូលប្រឡាយទឹក បណ្ដាលឲ្យស្លាប់

សៀមរាប៖ក្មេងប្រុសម្នាក់ជិះម៉ូតូដួលខ្លួនឯងរមៀលធ្លាក់ចូលទឹកប្រឡាយគ្មានអ្នកជួយទាន់ បណ្ដាលឱ្យស្លាប់។ហេតុការណ៍នេះបានកើតឡើងនៅផ្លូវគ្រួសក្រហម ក្នុងភូមិសង្កែរមានជ័យ ឃុំកំពង់ក្តី ស្រុកជីក្រែង ខេត្តសៀមរាបកាលពីថ្ងៃទី១៦ ខែមិថុនាឆ្នាំ២០២២។
មន្ត្រីអាវុធហត្ថបានឱ្យដឹងថា ជនរងគ្រោះដែលស្លាប់ឈ្មោះ បាន សុភីន ភេទប្រុសអាយុ១៣ឆ្នាំ មានទីលំនៅភូមិពោធិ៍សិរី ឃុំកំពង់ក្តី ស្រុកជីក្រែង ខេត្តសៀមរាប។ជនរងគ្រោះបានបើកបរម៉ូតូ ម៉ាក C125 ពណ៌ខ្មៅផ្លាកលេខ 1G-1068 តែម្នាក់ឯង។មកដល់កន្លែងកើតហតុក៏ដួល ហើយរមៀលធ្លាក់ទឹកប្រឡាយ ក៏ឈ្លក់ទឹកស្លាប់តែម្តង៕