ភ្នំពេញ៖រថយន្តធំដឹកឥដ្ឋបានបុករថយន្តកុងតឺន័រពីចំហៀងហើយបានជ្រុលក្រឡាប់ធ្លាក់ចូលប្រឡាយទឹកបណ្ដាលឱ្យរងការខូចខាតយ៉ាងដំណំតែមិនមានគ្រោះថ្នាក់ដល់មនុស្សទេ។
ហេតុការណ៍នេះបានកើតឡើងនៅមហាវិថីឈ្នះឈ្នះក្នុងភូមិភ្នៅ សង្កាត់សំរោងក្រោម ខណ្ឌពោធិ៍សែនជ័យកាលពីម៉ោងជាង១០ព្រឹកថ្ងៃទី៨ ខែមិថុនា ឆ្នាំ២០២២។
អ្នកឃើញហេតុការណ៍បានឱ្យដឹងថា ដំបូងរថយន្តទាំង២គ្រឿងបានបើកស្របគ្នាពីជើងទៅត្បូង ដោយរថយន្តដឹកឥដ្ឋបានបើកពីក្រោយរថយន្តកុងតឺន័រ។លុះទៅដល់កន្លែងកើតហេតុរថយន្តកុងតឺន័រ បានបត់ឆ្លងផ្លូវធ្វើឱ្យរថយន្តដឹកឥដ្ឋហ្រ្វាំងអត់ទាន់ក៏ជ្រុលទៅបុកពីចំហៀងកុងតឺន័រពេញទំហឹងតែម្ដង។
ចំណែករថយន្តដឹកឥដ្ឋខ្ទេចផ្នែកមុខហើយបានក្រឡាប់ធ្លាក់ចូលប្រឡាយទឹករងការខូចខាតយ៉ាងដំណំ។ ប៉ុន្តែតៃកុងរថយន្តដឹកឥដ្ឋនិងប្រពន្ធរងរបួសតិចតួច។រថយន្តកុងតឺន័របានបើកបន្តដំណើរទៅបាត់៕
