ភ្នំពេញ៖ កម្លាំងនគរបាល ខណ្ឌសែនសុខបានបញ្ជូនជនសង្ស័យចំនួន១៥នាក់ករណីឆក់និងប្រើប្រាស់គ្រឿងញៀនទៅកាន់តុលាការកាលពីព្រឹក ថ្ងៃទី២៨ ខែសីហា ឆ្នាំ២០២០ ដើម្បីចាត់ការ តាមនីតិវិធីច្បាប់ ។ជនសង្ស័យទាំងនោះត្រូវបាននគរបាលខណ្ឌសែនសុខឃាត់ខ្លួនជាបន្តបន្ទាប់តែក្នុងរយៈពេល៣ថ្ងៃកន្លងមកនេះ ។
មន្ត្រីនគរបាល ខណ្ឌសែនសុខ បានឱ្យដឹងថាៈ ជនសង្ស័យដែលត្រូវបានបញ្ជូនទៅតុលាការនៅព្រឹកនេះមានជនសង្ស័យឆក់ចំនួន៦នាក់និងជនសង្ស័យរក្សាទុកនិងប្រើប្រាស់គ្រឿងញៀន ចំនួន ៩នាក់សរុបទាំងអស់១៥នាក់ ។
គួរបញ្ចាក់ថាៈ ក្នុងចំណោម ជនសង្ស័យ ទាំងនោះ ជនសង្ស័យ ឆក់ ៦នាក់ ត្រូវបានកម្លាំងនគរបាល ខណ្ឌសែនសុខ ស្រាវជ្រាវ ហើយ ឈានទៅឃាត់ខ្លួនបាន កាលពីរសៀល ថ្ងៃទី២៧ ខែសីហា បន្ទាប់ពីពួកគេ ធ្វើសកម្មភាពឆក់កាបូបយួរ ពីស្ត្រីម្នាក់ នៅសង្កាត់ភ្នំពេញថ្មី បានប្រាក់ ចំនួន ១ ពាន់ដុល្លារ នាំគ្នាទៅផឹកស៊ី នៅភ្នំប្រសិដ្ឋ ក្នុងសង្កាត់ពញាពន់ ខណ្ឌព្រែកព្នៅ ។ នៅពេលកំពុងតែផឹកស៊ីដេកយោលអង្រឹង សប្បាយ សមត្ថកិច្ច ចុះទៅឃាត់ខ្លួនតែម្តង៕
