ភ្នំពេញ:បុរសអ្នកបើករថយន្ដម៉ាកvistoមកឈប់អែបផ្លូវបម្រុងចុះបត់ជើងតូចត្រូវរថយន្ត១គ្រឿងទៀតម៉ាកcamry បាឡែនបុកពីក្រោយរងការខូចខាតយ៉ាងដំណំ។ ហេតុការណ៍នេះកើតឡើងកាលពីវេលាម៉ោង១២ យប់រំលងអាធ្រាត្រឈានចូលថ្ងៃទី១៨ ខែសីហាឆ្នាំ២០២០ ស្ថិតនៅតាមបណ្ដោយផ្លូវវ៉េងស្រេង ខាងកើតកុងស៊ីកាប់ជ្រូកប្រមាណជាង៥០ ម៉ែត្រ ក្នុងសង្កាត់ស្ទឹងមានជ័យទី ៣ ខណ្ឌមានជ័យ ។
រថយន្តរងគ្រោះម៉ាកvistoពណ៌ក្រហមពាក់ស្លាកលេខភ្នំពេញ2AF7691។រថយន្តបង្កម៉ាកcamry បាឡែនពណ៌សពាក់ស្លាកលេខភ្នំពេញ2AA0946បើកបរដោយបុរសម្នាក់សង្ស័យស្រវឹងស្រាធ្លាក់ភ្នែកបើកបុករថយន្តvistoពីក្រោយបណ្ដាលឱ្យរថយន្តទាំងពីរគ្រឿងរងការខូចខាតយ៉ាងដំណំដូចគ្នា។
បន្ទាប់មកសមត្ថកិច្ចឱ្យភាគីទាំងសងខាងសម្របសម្រួលគ្នាក្រោយមកខាងភាគីបង្កបានចេញសំណងទៅឱ្យខាងភាគីរងគ្រោះចំនួន២០០ដុល្លារដើម្បីបញ្ចប់រឿងនៅនឹងកន្លែងកើតហេតុ៕