អន្តរជាតិ៖តារាភាពយន្តសិចជនជាតិអេស្ប៉ាញម្នាក់លោកNachoVandalអាយុ៤៦ឆ្នាំនិងមនុស្ស២នាក់ផ្សេងទៀត ត្រូវបានចាប់និងឃុំខ្លួនភ្លាមៗក្រោយពីរកឃើញថាគាត់ជាសម្លាប់អ្នកថតរូបជំនាញម្នាក់ កាលពីថ្ងៃសុក្រសប្តាហ៍មុនដោយប្រើពិសសត្វគីង្គក់បំពុលរូបគាត់។ប៉ូលិសអេស្ប៉ាញបាននិយាយថាអ្នកថតរូបម្នាក់បានស្លាប់បន្ទាប់ពីត្រូវចាប់បង្ខំឱ្យហឺតចូលក្នុងរន្ធច្រមុះនូវពិសសត្វគីង្គក់អាមេរិកខាងជើងដ៏គ្រោះថ្នាក់បំផុត។
មេធាវីការពារក្តីឱ្យតារាភាពយន្តសិចរូបនេះបានបញ្ជាក់ថាកូនក្តីរបស់លោកមិនបានប្រព្រឹត្តដូចពាក្យចោទប្រកាន់នេះទេ។ រីឯការស្លាប់របស់អ្នកថតរូបនេះ គ្រាន់តែជាគ្រោះថ្នាក់ដោយចៃដន្យប៉ុណ្ណោះ។
អ្នកថតរូបនេះជាជនជាតិអេស្ប៉ាញឈ្មោះJoseluisត្រូវបានគេបន្លំឱ្យគាត់ប្រើបំពង់បឺតដែលគេជ្រលក់ពិសគីង្គក់ហើយជាស្រេច។
គីង្គក់នេះត្រូវបានគេស្គាល់ថាជាគីង្គក់នៃទន្លេខូឡូរ៉ាដូបានប្រើពិសរបស់វាដើម្បីការពារខ្លួនពីការវាយប្រហារពីសំណាក់សត្វក្រពើនិងសត្រូវផ្សេងទៀតរបស់វានៅក្នុងប្រទេសមិកស៊ិកនិងបណ្តារដ្ឋនៅភាគអគ្នេយ៍នៃសហរដ្ឋអាមេរិក៕
