ព្រះវិហារ៖កាលពីព្រឹកថ្ងៃទី២ខែសីហាឆ្នាំ២០២០លោកស្រីចឹកហេងអនុប្រធានអចិន្ត្រៃយ៍គណ:កម្មាធិការសាខាកាកបាទក្រហមកម្ពុជាខេត្តព្រះវិហារនិងក្រុមការងារបានយកអំណោយផ្តល់ជូនគ្រួសាររងគ្រោះភ្លើងឆេះផ្ទះនិងតូបចំនួន៧គ្រួសាររស់នៅភូមិឆែបលិចឃុំឆែបលិចស្រុកឆែបខេត្តព្រះវិហារ ។
នៅក្នុងឱកាសនោះដែរលោកស្រីអនុប្រធានអចិន្ត្រៃយ៍បានចូលរួមសោកស្តាយជាមួយបងប្អូនម្ចាស់ផ្ទះដែលរងគ្រោះដោយសារភ្លើងឆេះបណ្តាលឱ្យបាត់បង់ផ្ទះនិងទ្រព្យសម្បត្តិ។លោកស្រីបានបន្តថាៈសម្ភារនិងថវិកាដែលបានផ្តល់ជូននាពេលនេះគ្រាន់តែជួយសម្រាលការលំបាករបស់បងប្អូនមួយគ្រាប៉ុណ្ណោះ ។ក្នុងនោះលោកស្រីបានផ្តាំផ្ញើសូមឱ្យបងប្អូនថែររក្សាសុខភាពត្រូវមានអនាម័យនិងលាងសម្អាតដៃជាមួយសាប៊ូឱ្យបានជាប់ជាប្រចាំចូលរួមការពារ ទប់ស្កាត់មេរោគ កូវីដ១៩ ។
សម្ភារផ្តល់ជូនរួមមាន៖អង្ករ,មី,ត្រីខ,ទឹកស៊ីអ៊ីវ,តង់,សារុង,មុង,ភួយ,ក្រមា,ថវិកាចំនួន ១០០.០០០រៀល ។គ្រួសារឆេះផ្ទះមានអង្ករ,មី,ត្រីខ,ស៊ីអ៊ីវ,តង់,សារុង,មុង,ភួយ,ក្រមា,ធុងទឹក,កន្ទេល,ចានបាយ,ចានសម្ល,ស្លាបព្រា,ឆ្នាំងបាយ-សម្ល,ភួយធំ,ថវិកា២០០.០០០រៀល។
ថវិកាសប្បុរសជន-លោក សុខ សាន្តតារា អភិបាលស្រុកឆែប ថវិកាចំនួន ៨០០.០០០ រៀល-លោក ជាង ភា អាជីវករ ថវិកាចំនួន ៧០០.០០០ រៀល-លោក មាស ម៉េត អាជីវករ ថវិកាចំនួន ៣៥០.០០០ រៀលលោក ជួប ចិត្ត ថវិកាចំនួន១០០.០០០ រៀល៕