តាកែវ៖គ្រោះថ្នាក់ចរាចរណ៍រវាងម៉ូតូបុកជាមួយម៉ូតូក្នុងទិសដៅបញ្ច្រាស់គ្នាបណ្តាលឱ្យស្លាប់ម្នាក់និងរងរបួសធ្ងន់៣នាក់។ហេតុការណ៍នេះបានកើតឡើងនៅផ្លូវលេខ១២៩ក្នុងភូមិកញ្ចាង ឃុំស្លា ស្រុកសំរោង ខេត្តតាកែវកាលពីល្ងាចថ្ងៃទី៥ ខែឆ្នូ ឆ្នាំ២០២១។
សមត្ថកិច្ចបានឱ្យដឹងថា ហេតុការណ៍ខាងលើរវាងម៉ូតូម៉ាកហុងដា ពាក់ផ្លាកលេខតាកែវ1A-2153។ បើកបរដោយឈ្មោះជាន ផន អាយុ៤០ឆ្នាំ នៅភូមិស្រយុន ឃុំពន្លៃ ស្រុកអង្គរបុរី ខេត្តតាកែវ បានស្លាប់។ អ្នករួមដំណើរឈ្មោះស៊ីវ លាន អាយុ២៨ឆ្នាំនៅភូមិឃុំជាមួយគ្នារងរបួស។
ភាគីម្ខាងទៀតម៉ូតូម៉ាកហុងដាសេ១២៥ ផ្លាកលេខភ្នំពេញ1FZ-5471 បើកបរដោយឈ្មោះសំ បារាំង អាយុ២៨ឆ្នាំ នៅភូមិដុង្គ ឃុំព្រៃផ្ដៅ ស្រុកព្រៃកប្បាស ខេត្តតាកែវ រងរបួសធ្ងន់។អ្នករួមដំណើរឈ្មោះហ៊ុន អូន អាយុ២២ឆ្នាំ រងរបួស។
បន្ទាប់មកសមត្ថកិច្ចបានចុះទៅដល់ទីតាំងកើតហេតុយកម៉ូតូទាំង២គ្រឿងទៅរក្សាទុកនៅអធិការដ្ឋានស្រុកដើម្បីរងចាំការដោះស្រាយ៕
