ភ្នំពេញ៖រថយន្តដឹកខ្សាច់បើកហើយបត់ត្រូវរថយន្តទំនើបបុកពេញទំហឹងបណ្តាលឱ្យរថយន្តដឹកខ្សាច់ជ្រុលបុកផ្ទះលក់បាយបង្កឱ្យម្ដាយនិងកូនរងរបួសធ្ងន់។
គ្រោះថ្នាក់ចរាចរណ៍នេះបានកើតឡើងនៅតាមផ្លូវ៦០ម៉ែត្រក្នុងសង្កាត់ចាក់អង្រែក្រោមខណ្ឌមានជ័យកាលពីរំលងអធ្រាត្រចូលថ្ងៃទី១០ ខែវិច្ឆិកាឆ្នំា២០២១។មុនកើតហេតុមានរថយន្តបែនដឹកខ្សាច់មួយគ្រឿងបើកតាមផ្លូវជាតិលេខ២ ក្នុងពីជើងទៅត្បូង។
ពេលនោះរថយន្តបែនបានបត់ឆ្វេងក៏មានរថយន្តទំនើបម៉ាកមែរសឺដេសផ្លាកលេខកម្ពុជា K.SARUN6 បុកពេញទំហឹងហើយរថយន្តដឹកខ្សាច់ជ្រុលទៅបុកផ្ទះលក់បាយ-ម្ហូបមួយកន្លែងបណ្ដាលឱ្យកូនស្រីនិងម្តាយរងររបួសធ្ងន់។
បន្ទាប់មកសមត្ថកិច្ចជំនាញមកវាស់វែងយករថយន្តទាំងពីរគ្រឿងទៅរក្សាទុកនៅនគរបាល ចរាចរណ៍រាជធានីភ្នំពេញ រង់ចាំម្ចាស់ចូលខ្លួនដោះស្រាយ៕
